I Samuuele 26:23 - O Mikanda Ikola

²³ Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.

I Samuuele 26:23 ပူးပေါင်းရင်းမြစ်များ

II Samuuele 22:21

Jihova ua ngi futu kia tokala mu kulunga kuami; mu ku ngi vutuila ua kaiela makuʼami a hatu ka kuata kima.

II Samuuele 22:25

Jihova kiene kia ngi vutuila kia tokala mu kulunga kuami, ua kaiela makuʼami a hatu, kia a mono ue muene.

I Jisobha 8:32

Eie-phe ku maúluʼoko ívua, u bhange kia fuama, u fundise abhikʼé ni kubelesa uoso ua tondala, mbé ku mu vutuila o ibhangelu iê ku mútue uê, ni ku lungisa uoso ua iuka, mbé ku mu bhanga kioso kia tokala mu kuiuka kuê.

Nehemiia 13:14

Mukonda dia kiki eie u Nzambi iami, ku ngi jimbe; o mbote jami joso ji nga bhange ku inzo ia Nzambi iami, ni ku kikalakalu kiê, kana ku ji jimuna.

Jobe 34:11

Mbata o muthu ua kà mu vutuila kia fuama mu imbamba iê ia bhanga jinga; u bhangesa muene kuila muthu ni muthu u tambula kia fuama o njila iê.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 24:12

Jihova a tu batuile ni eme ni eie! Jihova a ku tatele phonzo iami, maji eme-phe lukuaku luami ki ngi lu zengela kokué.

I Samuuele 24:18

Eie uedikiza lelu kuma ua ngi lendukila, mukonda eie ua fulu ku ngi jibha, kia ngi thelekala Jihova bhu lukuaku lué.

I Samuuele 24:19

Mukonda muthu kuxi ua kuata kiá nguma iê, anga u mu eha ngó nʼaie? Jihova a ku fute ni mbote, ku ioso i ua ngi bhange eie lelu.

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.

I Samuuele 26:22

Davidi anga u mu kumbulula, uixi: Kùku, sosa ié iii bhabhʼiii. Tumikisa dikuenze, eze a i takane.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?