I Samuuele 26:16 - O Mikanda Ikola

¹⁶ Ki ki uabha, kiki ki ua bhange! Nga lokela mua Jihova uala ku muenhu, kuila mu athu mua tokala ku mi jibha, enu mua fulu kulanga muadiʼenu, muthu a mu undu kuala Jihova. Talesenu hanji mba sosa ia muenexi ii kuebhi, ni mudingi uê ua menha ua kexile bhu mutuelu?

I Samuuele 26:16 ပူးပေါင်းရင်းမြစ်များ

II Samuuele 12:5

Davidi anga njinda i mu kuata kiavulu ia muthu muene a mu tangeʼó; anga u ambela Natane, uixi: Nga loka muene kua Jihova uene ni muenhu, kuma muthu ua tena kubhanga kiki, ua tokala kúfua!

II Samuuele 19:28

Kuma dibhata dioso dia tatʼetu a tokalele kuxala madifundu bhu pholo ié, kùku, ngana iami. Maji eie-phe ua ngi bhake eme, ngi mubhikʼé, mu axaxe ka athu a dila ku meza mé. Ngala-phe dingi ni kulunga kuahi, kuila ngi dikola dingi mu kubhinga kima kua muenexi?

I Jisobha 2:26

Nganga Abiiatale-phe anga a mu ambela kuala muenexi, uixi: tunda bhabha, uie ku mábhia mé ku Anatote; kuma eie u muthu ua fuama ku ku jibha; maji-phe ki ngi ku jibha mu thembu iii, mukonda eie uambatele jinge o álaka ia Jihova Nzambi bhu pholo ia tatʼetu Davidi, ni hadi ioso ia talele jinge tatʼetu, eie ue ua i talela jinga-nê kumoxi.

Jisálamu 102:20

phala evue o mikemu ia ió a a kuika; mbé o kujituna oso a xikamena ku a jibha.

Jisálamu 79:11

O kudila kua ió a a kuika, ku bhixile ko kué; a jitune ni nguzu ia lukuaku lué, oso a a xindi kiá ku a jibha.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

I Samuuele 20:31

Kuma kioso kiala hanji monʼa Jese kʼulu dia munduʼiki eie muene muenhu ué ki u kolo, o utuminu ué ki u kuata. Kiki-phe, mu tume, u ngi bhekele-nê bhabha; kuma ni kidi muene, ua bhingi úfua.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.

I Samuuele 26:15

Davidi anga u ambela Abinele, uixi: Abinele u diiala, kuambe? Eie mu Izalaiele ku moneka mukuenu. Muadiʼé muenexi-phe, ku mu langela-hi? Tala, kuma bhejile muthu kujibha muadiʼé muenexi.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?