I Samuuele 26:12 - O Mikanda Ikola

¹² Kala kiki, Davidi ua katula ngó o sosa ni mudingi ua menha bhu mutuelu! ua Saúlo, anga a tunda-bhu. Ki bhuala-phe muthu ua ki mono, ki bhuala ua kʼijiia, ki bhuala ue ua phaphumuka nʼa tono; kuma ene oso aii ku kilu kia muioko-ioko, mukonda kilu kia a kuata kiavulu kia tundu kua Jihova.

I Samuuele 26:12 ပူးပေါင်းရင်းမြစ်များ

Dimatekenu 15:12

O dikumbi-phe kioso ki dia zubha o kutula, Mbalamu kua mu iza kilu kiavulu; kua muiza ue kekenha ia dikota, ni kitombe kiavulu ku thandu diê.

Dimatekenu 2:21

Jihova Nzambi anga u bhangesa Adá kuia ku kilu kiavulu, ku kilu kuala anga u mu katula lumbânji lumoxi, anga u jika dingi xitu bhua tundu o lumbânji.

Estere 6:1

Usuku uenhó muenexi u fula kilu: anga u tuma kuila a mu bhekele o divulu dia malunda, anga a kala mu tanga-mu bhu pholo ia muenexi.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

I Samuuele 24:4

Makuenze a Davidi anga a mu ambela, exi: Kiene-ze kizuuʼ iki kia ku tangela Jihova, uixi: Hinu ngi ku thelekala nguma ié bhu maku, phala u mu bhange kioso ki ua mesena. Bhenhobho Davidi u balumuka, uia ni kuzomba anga u batula mbandu ku divunga dia Sáulo, sé muene ku mu ívua.

I Samuuele 26:13

Davidi anga uia ku sámbua, u banda bhu thala ia mulundu mu kanga, bhu kaẋi ua te-bhu muene dikanga.

I Samuuele 26:7

Kienhiki Davidi ni Abisai eza mu usuku muʼ axaxi ka mundu. Anga a sanga Saúlu iú ua zekʼú mu kaẋi ka kibangu bhu kididi kia makalu, ni sosa iê ua i kubu bhoxi bhu mutuelu uê. Ni Abinele, ni mundu uoso, a zeka mu jimbandu, muene a mu te mu kaẋi.