I Samuuele 26:10 - O Mikanda Ikola

¹⁰ Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,

I Samuuele 26:10 ပူးပေါင်းရင်းမြစ်များ

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

Jobe 14:14

Muthu nʼa fu, mbé ua kà kala dingi ni muenhu? Izuua ioso i nga mu lua ita ngeje ku kinga, katé kia ngi lungulula dingi lua mukuá.

Jobe 14:5

Mbata izuua iê a i aleka, dialuilu dia jimbeji jê eie-muène uala na-diu; muthu eie ua mu xindila ni jimbambe jê, ka tena ku ji somboka.

Jobe 7:1

Jobe uixi: Manhi o muenhu ua muthu mu ngongo, ki ua hadi uene? O izuua iê ki i soko ni ia ngunza u kalakalela o kizuua?

Jisálamu 37:10

Bhu bhita ngó kathangana, mukua phulu-ó ubhua athu ku mesu; u tala kiambote, bhu kididi kiê kala-bhu dingi.

Jisálamu 37:13

Maji Jihova-phe u mu olela, kuma ua mono o kizuua kiê ki kiza.

Jisálamu 94:23

Kituxi kiâ-phe kia-nda kualuka, hé ki a tula ene; Nzambi u a senguluila mu usuéia uâ; kiene muene, Jihova Nzambi ietu hinu u a buidisa.

Ndongixi 3:2

Sai thembu ia kuvuala, ni thembu ia kúfua; sai thembu ia ku kuna, ni thembu ia kuvuza (ioso iòkune).

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Matendelelu 31:14

Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.

I Samuuele 24:12

Jihova a tu batuile ni eme ni eie! Jihova a ku tatele phonzo iami, maji eme-phe lukuaku luami ki ngi lu zengela kokué.

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:38

Kubhita dingi kuinhi dia izuua, Jihova u mu zubhidisa, anga u fua.

I Samuuele 25:39

O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.

I Samuuele 31:6

Kala kiki ni Saúlo muene uafu, ni anʼê atatu, ni kibêse kiê, ni makuenze mê ene oso afu kizuua kiâ kimoxi.