I Samuuele 25:9 - O Mikanda Ikola

⁹ Minzangala ia Davidi anga eza, a kunda Nabale maka mosoʼama, mu dijina dia Davidi, anga a tula mahezu.

I Samuuele 25:9 ပူးပေါင်းရင်းမြစ်များ

Dimatekenu 8:4

O álaka anga i tula, bhu mbeji ia kasambuadi, kizuua kia kuinhi ni sambuadi ku mbeji, ku thandu dia milundu ia Alalate.

II Jisobha 2:15

O anʼa jipolofeta-phe a kexile ku sámbua diodio, mu Jedikó, kioso kia ki mono, zuela, exi: O nzumbi ia Elija ia tula kua Ilizeu. Anga eza ku mu kauidila, a di bhala bhoxi mu ku mu diundila.

II Malunda 14:7

Anga uambela Juda, uixi: Tu tunge jimbonge jiji, tu ji kondoluese imbaka ni jinzu ja matala, ni mabhitu ni jiphapha, kiosuʼiki ixi iala hanji ni kutululuka bhu pholo ietu, mukonda tua soto Jihova, dia Nzambi ietu; tua mu sota, muene iú ua tu bhana o kutululuka mu jimbandu joso. Anga a tunga, a soma, a kala ni kuzediua.

I Samuuele 25:10

Nabale anga u vutuila makuenze a Davidi, uixi: Davidi muene mukua-hi? Monʼa Jese nanhi muene? Abhika avulu-á izuuʼiii, a mu lenga mʼonzo ia jingana jâ!

I Samuuele 25:8

Ibhula minzangala ié, a ku kundile-kiu. O minzangala iami-phe iá, a sange ngalasa ku mesu mé, kuma tueza bhu kizuua kiambote kia kubhanga fesa. Tu bhane-phe, tua ku diondo etu tu abhikʼé, kumoxi ni monʼé Davidi, kioso ki ua tena ki u kuata bhu lukuaku lué.