I Samuuele 25:5 - O Mikanda Ikola

⁵ Davidi anga u katula kuinhi dia munzangala, Davidi anga u a ambela, uixi: Bandenu ku Kalamelu, muie kua Nabale, mu mu menekene mu dijina diami;

I Samuuele 25:5 ပူးပေါင်းရင်းမြစ်များ

Dimatekenu 43:23

Muene-phe u a ambela, uixi: Tululukenu, ki mu kale ni uoma. Nzambi ienu o Nzambi ia tatʼenu, muene ua mi tela o mbole ia jimbongo mu jisaku jenu; kitadi kienu nga ki tambuidiʼê. Anga u a bhekela Ximinhá bhu kanga bhuala ene.

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

I Samuuele 17:18

O kuinhi dia hejuʼidi u di bhekela kaphitangu ka jimidi jâ, u kunde o makotʼé kioso kia zekele se ala kiambote, uize-ku ni njimbu iâ u tu tudile se a bhindamena ue kima.

I Samuuele 17:22

Davidi anga u xa muhamba uê kua iú ua tambula konda ia imbamba, u lengela kuala kuia kilômbo, u sanga phange jê, hé ua menekena.

I Samuuele 25:4

Davidi ku mikáu iakukuta kuoso kuala, u ívua kuma Nabale uala mu bhuta o jimbudi jê.

I Samuuele 25:6

mua kà mu ambela kiki: Tana-ku, ngana! Ku kale paze ko kué, ku kale paze mʼonzo ié, ku kale paze ku mbèle ié ioso.