I Samuuele 25:39 - O Mikanda Ikola

³⁹ O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.

I Samuuele 25:39 ပူးပေါင်းရင်းမြစ်များ

II Samuuele 1:16

Davidi anga u mu ambela, uixi: Manhinga mé ma kale ku thandu dia mútue ué eʼmuene, kuma dikanu dié muene diene dia ku bhela umbangi ua kuêla, uixi: Eme-muène nga jibha muthu a mu undu kuala Jihova ku ungana.

I Jisobha 2:44

Muenexi anga u kumuna dingi mu tangela Simeii, uixi: Ku muẋima ué ku kambe ku kʼijiia, o kubhukumuka kuoso ku ua bhangele tatʼetu Davidi; kala kiki Jihova ua vutula o kubhukumuka kué ku thandu dia mútue ué eʼmuene.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Jisálamu 7:16

Ufe uê ua mu vutukila mu mútue uê muene, o kusuína kuê kua mu vundu muene ku dikoxi diê.

Jisálamu 9:5

Matumbu eie ua a bazela, akua phulu ua a buikisa; dijina diâ ua di jimuna kulu dia mundu katé ku hádia ni hádia.

Jisabhu 18:22

Uoso u bonga muhatu ua mbote, ua bongo kima kia ujitu; muthu ió Ngana ua mu bhange favolo.

Jisabhu 19:14

Muthu uene mu lundula onzo ni jimbongo ji mu xila o adiê; maji muhatu ua dimuka, kale Ngana u ku bhana-nê.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Jisabhu 31:10

Muhatu ua mbote, uala ni kilunji, mukuahi u tena ku mu sanga? muenhó ua beta kota mu kuta o suilu, o matadi avulu a phelu ja nzaji, ndenge.

Jisabhu 31:30

Kisangu-sangu ki nganala o muthu, o kuuabha ue kua mukutu kingoho; maji o muhatu-phe u kala ni uoma ua Jihova, ió muene a mu ximana.

Mukumbi ua Mikumbi 8:8

Tuala ni kaphange ketu ka muhatu kòfele, ua kambe hanji o mele; Phangʼietu muenʼiú tu mu bhanga kiebhi, kizuua kia-nda ku mu ta maka a kusakana?

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

II Kolindo 13:7

Tua mu kinga-phe Nzambi phala enu ki mu bhange kima kiaiibha, ki mukonda etu tuandala a tu ximana, maji mukonda tua mi andala kuila enu mu bhanga ima ia ujitu. Né mbe etu tuedi kala tua sekala.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

II Timote 4:18

Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

Afundixi 5:2

Kuma atuameneni a tuamena mua Izalaiele, kuma o mundu a di bheka ni vondadi mu kúlua ita, sakidilenu Jihova.

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:32

Kienhókio Davidi anga u ambela Abingaile, uixi: Nga sakidila Jihova, Nzambi ia Izalaiele, ua ku tumu kizuua kia lelu ku ngi batuila.

I Samuuele 25:34

Kuma ni kidi muene kala Jihova, Nzambi ia Izalaiele kiala ku muenhu iú ua ngi fudisa ku ku kuama, se eie ua kambele ku lenguluka kuiza ku ngi batuila, katé ki kúkia, eme ki ngeji kuxila Nabale ku muenhu, né ngó monʼumoxi ua diiala uòfele-fele.

I Samuuele 25:40

Imbalambi ia Davidi kia zubha kutula kua Abingaile ku Karmelo, a mu kunda, exi: Davidi ua tu tumu ko kué, phala ku ku ambata ni ku ku bheka kua muene, nʼu kale u mukajiʼê.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,