I Samuuele 25:32 - O Mikanda Ikola

³² Kienhókio Davidi anga u ambela Abingaile, uixi: Nga sakidila Jihova, Nzambi ia Izalaiele, ua ku tumu kizuua kia lelu ku ngi batuila.

I Samuuele 25:32 ပူးပေါင်းရင်းမြစ်များ

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

I Jisobha 1:48

Muenexi ue iu ua zuela, uixi: Nga ki sakidila Jihova, Nzambi ia Izalaiele, ua ngi bhana muthu utena kuxikama bhu kiandu kiami kizuua kia lelu, katé muene eme nga ki mono ni mesuʼami.

I Jisobha 8:15

Muene uixi: A tane-ku Jihova, Nzambi ia Izalaiele, ua zuelele ni dikanu diê kua tatʼetu Davidi, kʼi kia tenesena bhu lukuaku luê, uixi;

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Jisálamu 106:48

A tane-ku, Jihova, Nzambi ia Izalaiele, tunde dia tunde katé kua kʼàia; mundu uoso etaie, Amene! Haleluia.

Jisálamu 31:22

Nga zuela ngó lusolo, kia ngi kuata hele, ngixi: Eme nga fu-ó, ku mesu mé nga-nda kubhua-ku! Maji kiene kimoxi, eie ua ngʼivu dízui kioso ki nga dikola ko kué.

Jisálamu 72:18

Jihova Nzambi a tane-ku! muene Nzambi ia Izalaiele; muene ngó ubheka uê uene mu bhanga o madiuanu!

Makatukilu 18:10

Jétulu anga u zuela, uixi: A tane-ku Jihova ua mi kudila bhu maku a akua Ijitu, ni bhu maku a Falaó; ua kudila o kifuẋi kiki ku mualala ua akua Ijitu.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Josuué 22:33

Mahezu enhá anʼa Izalaiele a a uabhela ue, anʼa Izalaiele anga a tanesa Nzambi. O ita ieji kubalumuna phala kubanda mu lua oxi mua tungu anʼa Lubene ni anʼa Ngadi, iabhu-bhu.