I Samuuele 25:29 - O Mikanda Ikola

²⁹ Sumbala se bhu kala muthu ua balumuka mu ku ku landameka, ua bhindamena ku ku tambula o muenhu ué, ngana iami, muenhu ué a u kutila kumoxi mu kita kia athu a muenhu ala ni Jihova Nzambi ié; maji o mienhu-phe ia jinguma jé a ka i zabujula kala ditadi ki di tunda mu kaẋi ka mbala-fundu.

I Samuuele 25:29 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

II Samuuele 4:8

Anga a bheka mútue ua Ixibozete kua Davidi bhu Hebolone, ambela muenexi, exi: Talesa mútue iú ua Ixibozete, monʼa Saúlo, nguma ié, ua sota jinga ku ku tambula o muenhu ué; Jihova phe ua ku zokela mvunda ié, u muenexi, kua Saúlo ni mbutu iê.

Jobe 27:22

Ima iosuʼiii, Nzambi u mu lunduluila-iu muene ku thandu diê, ka muʼehela, kana; sumbala muene u sota kulenga bhu lukuaku lua Nzambi.

Jisálamu 116:15

O Kúfua kua muthu uê ua mu solo, ku mesu a Jihova phelo ia nzaji.

Jisálamu 54:3

Kuma athu engi a balumuka mu ku ngi sota, akua kusuína ala ku ngi seia o muenhu uami; athu a kambe kubhaka Nzambi ku mesuʼâ. (Selah.)

Jisálamu 66:9

Ua tena ku tu bhaka tu athu ku muenhu, iu ua kambe kuehela inama ietu kuẋangumuka.

Jelemiia 10:18

Mbata Jihova uambe kiki: Tala-ze, kiki kiá, akua bhata moxʼumu nga-nda ku a takula, kala a a takula ni funda, hé nga a bhondeleka, nda ki a xixime, ni kuila:

Malakiia 3:17

Jihova dia Ifuẋi, uixi: Ene a kà kala athu ami, mu kizuua kiná ki nga kà bhanga, ene a kà kala makembu mami ma kasuékele; Nga kà a kondeka ni ku a kuatela henda, kala tata kia kondeka monʼê uene ku mu tumaka jinga kiambote.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 17:23

Eme mua ene, eie mo muami, ene a zubhe ku di bandeka mu umoxi, mbé o mundu ni u xikane kuma Eie ua ngi tumu, kuma ue ua a zola ene, kala ki ua ngi zola eme.

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.