I Samuuele 25:28 - O Mikanda Ikola

²⁸ Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 25:28 ပူးပေါင်းရင်းမြစ်များ

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Samuuele 7:11

kala mu izuua i nga tumine afundixi kutambula konda ia mundu uami ua Izalaiele. Eie ngi ku bhana kunhoha-ku ku izudidiku ia jinguma jé joso. O Jihova ue, ua te-ku dingi o ku ku tangela, kuma, Jihova muene ua-nda ku ku tungila eie o inzo.

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

II Samuuele 7:27

Kuma eie, u Jihova dia Ifuẋi, u Nzambi ia Izalaiele, ua kʼivisa mu mátui ma mubhikʼé, uixi; Eme nganda ku ku tungila dibhata; kiene ki nga ki sangela mu muẋima, ngi mubhikʼé, o ku ku sambela musambu uenhú.

I Jisobha 15:3

Anga u kala mu kuenda mu ituxi ioso ia tuamene kiá kuta tatʼâ ua mu diangelele; o muẋima uê ua kexi ua tenena kua Jihova Nzambi iê, kala o muẋima ua tatʼâ Davidi.

I Jisobha 15:5

Mukonda Davidi ua bhanga jinga kia iukila ku mesu ma Jihova, ka bhambukile ku ima ioso ia mu tumine muene mu izuua ioso ia muenhu uê, kikale mu mulonga ngó ua Udiia, mukua Hiti, kuabhu!

I Jisobha 9:5

eme ue nga ka kuatesa muene o kiandu kia ungana ué ku thandu dia Izalaiele ioso ni ku hádia ni hádia, kala ki nga tangele ku mbandu ia tatʼenu Davidi, ngixi: Ki kuà ku kamba diiala u xikama bhu kiandu kia Izalaiele.

I Malunda 17:10

tunde mu izuua i nga xindi, ngixi: Kukala afundixi ku mundu uami ua Izalaiele; eme nga jibha o jinguma jé joso; Nga ku ijidisa-kiu ue kuila o Jihova hadia ua kà ku tungila dibhata.

I Malunda 17:25

Mukonda eie, u Nzambi iami, Eie-muène ua ki tukuluila mu mátui ma selevende ié kuila, hinu ua kà mu tungila inzo. Kiene kiabhekela selevende ié o kúbhua uoma, phala ku ku sambela o musambu kala iú.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Jisálamu 7:3

Jihova, Nzambi iami, se kidi muene eme nga ki bhange, se ua ngi mono ni lufuku bhu maku mami,

Jisálamu 89:29

Muiji uê ki u kala dingi ni dizubhilu, kiandu kiê ki nanga kala o izuua ia maúlu.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Luka 23:47

Kabhitangu ka kilômbo kia akua Loma, kia mono kioso kia bhiti, ua ximana Nzambi, uixi: Kidi kiene, muenhú ua kexi muthu uaiuka.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 17:47

O mundu uoso iú ua bhongoloka bhabha nda u ijiie ue kuila Jihova ka bhulula ni xibhata mba sosá, kuma o ita, ita iangene ia Jihova. Muene lelu ua-nda ku mi bhakula bhu maku metu.

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 22:14

Ahimeleke anga u vutuila muenexi, uixi: Ku makuenze mé moso-phe nanhi ua ku kala fiiele, u soka ni Davidi, muene holomiʼê eie u muenexi, ua tumaka kiambote mu kionge kia jitata, muthu ua ujitu ku mbanza?

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 24:17

Anga u ambela Davidi, uixi: Eie ua lungu, ki ngi lungu eme; kuma ku thandu dia eme ku ku bhanga phulu, eie ua ngi bhange mbote.

I Samuuele 24:21

Ngi lokele-phe bhabha mu dijina dia Jihova, kuila o luvualu luami lu ngi xia eie kua kà lu batula, o dijina diami ue kua kà di jimuna mu bhata dia tatʼetu.

I Samuuele 24:4

Makuenze a Davidi anga a mu ambela, exi: Kiene-ze kizuuʼ iki kia ku tangela Jihova, uixi: Hinu ngi ku thelekala nguma ié bhu maku, phala u mu bhange kioso ki ua mesena. Bhenhobho Davidi u balumuka, uia ni kuzomba anga u batula mbandu ku divunga dia Sáulo, sé muene ku mu ívua.

I Samuuele 25:24

Anga uiza u fukama bhu inama iê, uixi: Ki kale, ngana, ku thandu diami, o ku ku kambela ujitu kuenhuku! Nga ku diondo, ngehele ngi kahatu ké, ngi ku zuelele mu mátui, u ngʼivue tumaka tu ngi kuambela, ngi kahatu ké.

I Samuuele 29:3

Jingana ja akua Fidíxia anga a zuela, exi: O jihebeleuʼiji, jala kubhanga-hi bhabha? Akiji anga u ambela jingana ja akua Fidíxia, uixi: Ki muene Davidi-ú dikuenze dia Saúlo, sobha ia Izalaiele, nga bhange-nê izuua ni mivu, sé ku mu mona ni kikuma, tunde kizuua kia sambuka kunu kokuami katé lelu?

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.