I Samuuele 25:26 - O Mikanda Ikola

²⁶ Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:26 ပူးပေါင်းရင်းမြစ်များ

Dimatekenu 20:6

Nzambi anga u mu ambela ku nzoji, uixi: Nga kʼijiia muene kuma ua ki bhange ni muxima ua uabha, eme uami kiene ki nga ku fudisila o kuta kituxi ko kuami; kiene ki nga ku fudisila o ku mu kuata.

II Samuuele 18:32

Muenexi anga u ambela mukua Kuxi, uixi: Manhi o munzangala Abisalone, uala kiambote? Mukua Kuxi anga u vutula, uixi: Kùku, ngana iami, jinguma jé joso, ni iá a balumuka mu ku ku bhanga kiaiibha, a kale ene oso kala kiala munzangala muenhó.

II Jisobha 2:2

Elija anga uambela Ilizeu, uixi: Xala bhabha, kuma Jihova ua ngi tumu ku Betele. Maji Ilizeu u vutula kuila: Kikola Ngana! Eie kola muenhu u laie. Eme ki ngi tena ku ku xa. Kienʼiki hé aia ku Betele kiiadi kiâ.

II Jisobha 4:6

Anga ki bhita-phe kuila, kioso o itabhu ioso ki iezala kiá, uambela monʼê, uixi: Ngi bhekele-ku dingi kitabhu kimoxi. Maji muene-phe ua muʼambela, uixi: Kana-ku dingi kitabhu kioso-kioso. Kuabhu-phe, o maji ue a batuka kubhubha.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Jisabhu 31:12

Muhatu iú, izuua ioso ia muenhu uê, ubhanga mbote mu mbote kua muadi uê, phulu kana.

Jelemiia 29:22

Phala enhoso ai ku ubhika a tundu mua Juda iá ai ku Babilonha, a katuile-ku mázui, kiela: Jihova a ku bhange kala kia Zedekiia ni kia Ahabe a a zuzile ku túbhia kuala sobha ia Babilonha.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

I Samuuele 1:26

Ana anga u zuela, uixi: Eué! Ngana iami kia kidi kiene kala eie ki uala ni muenhu ué moxi, kuma eme-muene ngi muhatu ió ua kexile bhabha ni eie mù sambela Jihova.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.

I Samuuele 20:16

Kienhiki Jónata anga u ta kikutu ni dibhata dia Davidi, uixi: Jihova a ki tongolole, a kʼibhule ku jinguma ja Davidi, a a fute kia tokala.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 22:3

Davidi anga u katuka bhenhobho, uia ku Mixipa ku Mouabhe. Anga u ambela sobha ia Mouabhe, uixi: Nga ku diondo, ehela tatʼetu ni mamʼetu eze a kale bhu kinama kié, katé ki ngʼijiia kioso kia-nda ku ngi bhanga Nzambi.

I Samuuele 25:25

Nga ku diondo, ngana iami, kana kukaiela diialʼidi dia sekala, muene na Nabale; kuma kiala dijina diê, ni muene kiene kiala; dijina diê Nabale, o uoua uê-phe ki u mu bhu! Eme-phe ngi kahatu ké, minzangala ia ngana iami ki nga a muene, oso u ua tumine.

I Samuuele 25:39

O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,