I Samuuele 25:25 - O Mikanda Ikola

²⁵ Nga ku diondo, ngana iami, kana kukaiela diialʼidi dia sekala, muene na Nabale; kuma kiala dijina diê, ni muene kiene kiala; dijina diê Nabale, o uoua uê-phe ki u mu bhu! Eme-phe ngi kahatu ké, minzangala ia ngana iami ki nga a muene, oso u ua tumine.

I Samuuele 25:25 ပူးပေါင်းရင်းမြစ်များ

II Samuuele 13:33

Kiki-phe, kùku, mu muẋima ku kale ni kikote kia kufika kuma ana oso a muenexi afu; mukonda uafu ngó Aminone, kuabhu. Akuâ oso iá-uâ ni muenhu.

Jisabhu 29:7

Muthu ua iuka, u tongesa kiambote o mulonga ua phulungu; maji o ua bhukumuka-phe, ki ki mu kuatela kima.

Izaía 32:5

O seletete ka-nda ku mu ixana dingi mujitu; o kinjenje ka kà mu ila dingi mubhani, mubhangiʼambote.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.

I Samuuele 25:24

Anga uiza u fukama bhu inama iê, uixi: Ki kale, ngana, ku thandu diami, o ku ku kambela ujitu kuenhuku! Nga ku diondo, ngehele ngi kahatu ké, ngi ku zuelele mu mátui, u ngʼivue tumaka tu ngi kuambela, ngi kahatu ké.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:3

Muthu iú dijina diê Nabale, o múkajiʼê dijina diê Abingaíle; muhatu iú anga u kala ni kilunji kiambote, anga u uabha ue o pholo kiavulu muene. O diiala-phe u bhonza, anga ukala mukua phulu; muene u tokala ku muiji ua Kalebe.