I Samuuele 25:23 - O Mikanda Ikola

²³ Abingaile kia mono Davidi, u lenguluka, hé u tuluka ku bulu ie, u mu diundila, u tula dibhomo ku mavu bhu pholo ia Davidi.

I Samuuele 25:23 ပူးပေါင်းရင်းမြစ်များ

II Samuuele 1:2

mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Samuuele 14:4

O muhatu mukua Tekoua kieza kuzuela ni muenexi, u diunda, u bheza, uixi: Sobha, tatuʼodio!

II Samuuele 18:28

Ahimaaze kia bhixila anga u kola, u ambela muenexi, uixi: Kuala kiambote! Anga u bhetama bhu pholo ia muenexi, u tula pholo mu mavu, uixi: A tane-ku! Jihova Nzambi ié, ua tu bhakuila o mala a zengele lukuaku luâ mu ku ku bhanga kiaiibha, eie kùku, ngana iami.

II Samuuele 9:6

Mefibozete monʼa Jonata, monʼa Saúlo, anga uiza kua Davidi, u dibhala pholo bhoxi, u diunda. Davidi uixi: Mefibozete! Muene uixi: Emʼiú, Ngana, ngi mubhikʼé!

I Malunda 21:21

O kioso Davidi kia bhixila bhua zukama, ua mu kuiza kua Holonane, Holonane anga u tala, hé u mona Davidi, uxisa o kididi kiê bhu kienda bhuala, anga u dibhala o pholo iê bhoxi, bhu mesu a Davidi.

Josuué 15:18

O kieza-nê mʼonzo, Otiniiele u mu longesa, uixi: Bhinga mukáu ua mavu kua tatʼenu. Muene anga u tuluka ku bulu iê. Kuala Kelebe: Kiebhi?

Afundixi 1:14

Kia zubha ku mu bhenga-phe, muene u mu longesa kubhinga díbhia kua tatʼâ; muhatu anga u tuluka ku bulu iê, Kalebe anga u mu ibhula, uixi: Ohi i ua mesena?

Lute 2:10

Lute anga u di ṗhudikila bhoxi u bhetama pholo katé mu mavu, anga u mu ambela, uixi: Kia bhiti kiebhi, ngana, nga bongo kiadi ku mesu mé, phala ku ngi suua kiki, eme ngi mukua ʼxi iengi?

I Samuuele 20:41

Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.

I Samuuele 24:8

Kia zubha kuia, Davidi ue u balumuka hé u tunda, u kuata kuhandekela Saúlo, uixi: Kùku, eie-ó! Saúlo kia sakuka kuema, Davidi u bhetama pholo bhoxi, u mu diundila ni ujitu uoso.

I Samuuele 25:24

Anga uiza u fukama bhu inama iê, uixi: Ki kale, ngana, ku thandu diami, o ku ku kambela ujitu kuenhuku! Nga ku diondo, ngehele ngi kahatu ké, ngi ku zuelele mu mátui, u ngʼivue tumaka tu ngi kuambela, ngi kahatu ké.

I Samuuele 25:41

Muene anga u balumuka, u bhetama pholo iê bhoxi, uixi: Emʼiú, ngi kahatu kê, ngi kale ngi mubhika ua kusukula inama ia akua mbèle ia muadiʼami.