I Samuuele 25:21 - O Mikanda Ikola

²¹ Davidi-phe uambele, uixi: Kidi muene, nga tale ngó hadi ia kuinga ibhaku ioso ia iala muenhú mu iangu, katé ki bhua mu jimbila kima kia mu tokala; muene-phe ua ngi vutuila phulu mu mbote i nga mu bhange.

I Samuuele 25:21 ပူးပေါင်းရင်းမြစ်များ

Dimatekenu 44:4

Kia zubha-phe kutunda mu mbonge, kuila kiluua ngó enda dikanga, Zuze u ambela o kimbadi kiê, uixi: Ndoko! Suluka, u kaiela o mala enhó; o ki ua-nda ku a kuata, ua kà ambela, uixi: Phalahi, ua mi bhange o mbote, enu mu mu futa phulu?

Jobe 30:8

Ene anʼa malaji, ana a athu a kambe o majina, mu ixi aia ni kua kaia-kaia-mu.

Jisálamu 35:12

Eme nga a bhange mbote, ene-phe a ngi vutuila phulu; muenhu uami a ngi tambula-u.

Jisálamu 37:8

Eie-phe, ku njinda tunda-ku, u ehe o kutema; kuma o kuthathamana ku ku bhangesa ngó kiaiibha.

Jisálamu 38:20

Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisabhu 17:13

Muthu uoso u vutula o phulu kua mu bhange o mbote, ió uíndua mʼonzo iê ki mungu dingi ubhua-mu.

Jelemiia 18:20

Manhi mbote a i futa ni phulu? Oko a kande o diela phala o muenhu uami! Lembalala kuma eme ngemana bhu pholo ié-eie, phala ku a zuela mbote ia ene, phala njinda ié ki ia a tule, i ile kuengi.

Loma 12:21

Kana kuehela phulu ku mi tolola, inda enu-ku mu tolola o phulu ni mbote.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Phetele 3:17

Mbata se kiene kia tu xindi o vondadi ia Nzambi, kota o kutala hadi mukonda dia kubhanga o mbote, kana mukonda dia kubhanga kiaiibha.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

I Samuuele 25:13

Davidi anga u ambela makuenze mê, uixi: Enu oso manekenu o jixibhata. Anga a maneka kala muthu o mukuale uê. Davidi ue u maneka o mukuale uêmuène. Davidi anga u tuamenena, o ku kunda diê ku mu kaiela hâma jiuana ja mala; o hâma jiiadi a xala ni kulanga bhu imbamba.

I Samuuele 25:15

Mala enhó-phe a tu bhangele mbote iavulu, kioso ki tuala-nâ mu kikangalakata, kana muthu mudietu a mu tatesa, kana kibhaku kia jimbila, mba a tu bhanga phulu thembu ioso i tua bhangenâ mu iangu.

I Samuuele 25:20

Mu kuenda kiki, muene ua mondala bûlu iê, kia kala mu kulumuka bhu phaka ia mulundu, u mona Davidi ni makuenze-mê ala mu kulumuka ku sámbua anga a takana.

I Samuuele 25:7

Kikiphe ngevu kuma ua kase abhuti mu bhata dié; abidi é-phe tua kexe-nâ buamoxi mu iangu, ki tua a bhange kima kiaiibha, ki bhua jimbila kibhaku mba ku a kamba kima thembu ioso ia kexile mu Karmelo nʼetu.