I Samuuele 25:13 - O Mikanda Ikola

¹³ Davidi anga u ambela makuenze mê, uixi: Enu oso manekenu o jixibhata. Anga a maneka kala muthu o mukuale uê. Davidi ue u maneka o mukuale uêmuène. Davidi anga u tuamenena, o ku kunda diê ku mu kaiela hâma jiuana ja mala; o hâma jiiadi a xala ni kulanga bhu imbamba.

I Samuuele 25:13 ပူးပေါင်းရင်းမြစ်များ

II Samuuele 15:18

Makuenze mê anga a mu somboka bhenhobho anga a tuamenena; ni Makeleti oso ni Mapelete oso, ni Mangate oso, hâma jisamanu ja muthu a tundile-nê ku Ngate, a somboka bhu pholo ia muenexi anga a mu tuamenena.

Jisabhu 14:29

Muthu u kokoloka o kutema, ió muene o hete ia dikota; uoso-phe ka nange kuthathamana, ió uoua uê u dianeka.

Jisabhu 16:32

Muthu u xididika uala kota, kindanda ndenge; o utolola muẋima uê uala kota, uatolola mbonge ndenge.

Jisabhu 19:11

Muthu uadimuka, ki mu bateka o njinda, o kutetuluka kuê; o kuloloka o itondalu ia akuâ, uene o ujingilu uê.

Jisabhu 19:2

O uximba-phe ue, ua kukamba o unjimu ku muẋima, ua iibha; o mukua ku sakamesa inama iê ni kuenda, ka nange kuzanga.

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Jisabhu 25:8

Kana kusakamena kuia mu kufunda dimanda, sumba bhu bhuila o maka, eie u lémbua kia ku bhanga, mu kuila mukuenu ua ku belesa kiá.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.

I Samuuele 22:2

Uoso ue uala bhu kíbhidi, mba uàdia makôngo mba ua tata ni mulonga, enhoso iá a mu bhongolokela kuenhoko, hé u kala kabhitangu kâ; anga a di bhongolola katé kia tena konda ia hâma jiuana ja mala kumoxi aia-nê.

I Samuuele 23:13

Bhenhobho Davidi ni makuenze aia-nê, hâma jisamanu ja muthu, a balumuka, a tunda mu Keila, a di tela kuoso kua mono. Anga a ki kunda Saúlo kuila Davidi ni makuenze-mê a ku xi, a tundu kiá mu Keila; muene anga u zumbuka o kuia ku mu sota.

I Samuuele 25:12

Kienhiki o minzangala ia Davidi a vutuka njila, eza maku a hatu, anga a mu kunda muene maka mosuʼama.

I Samuuele 27:2

Kienhókio Davidi anga u zanguka, ni muene ni hâma jisamanu ja mala aia-nê kumoxi, hé a sambuka kua Akiji, monʼa Maoka, sobha ia Ngate.