I Samuuele 25:10 - O Mikanda Ikola

¹⁰ Nabale anga u vutuila makuenze a Davidi, uixi: Davidi muene mukua-hi? Monʼa Jese nanhi muene? Abhika avulu-á izuuʼiii, a mu lenga mʼonzo ia jingana jâ!

I Samuuele 25:10 ပူးပေါင်းရင်းမြစ်များ

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Ndongixi 7:10

Nuka u tanga, uixi: O izuua ia ukulu, ia beteleleʼhi o kuuabha, o iii ndenge? Mukonda o muthu uala ni kuijiia, nuka ebhula kiókio.

Izaía 32:5

O seletete ka-nda ku mu ixana dingi mujitu; o kinjenje ka kà mu ila dingi mubhani, mubhangiʼambote.

Izaía 32:7

O jindunge joso ja kinjenje, jaiibha; o muene u funha isunji, mbé o kujikinisa oso a lenduka ni maka ma mangonha, né kiá o phulungu ua zuelʼé ima ia kuiuka.

Afundixi 9:28

Ngahale monʼa Hebede anga u zuela, uixi: Abimeleke muene mukua-hi, phala etu tu akua Xikeme tu kale mu ku mu bhikila? Manhi ki monʼa Jelubaale? Kadifele kê ki Zebule? Mʼokulu ka kexile mu bhikila família ia Hamolo, ua tunga o dibhata dia Xikeme? Etu-phe mbebhuʼohi tu kala mu mu bhikila muene?

I Samuuele 20:30

Bhenhobho njinda ia Saúlo i uamena Jonata, uixi: Eie u monʼa muhatu uathathamana, ua xibhaka, kifua eme nga kambe ku kʼijiia kuila eie ua solo monʼa Jese muenhó ku ukamba, phala ku di bhekela jisonhi eie muene, ni kubhekela jisonhi ku tuẋi ia mamʼenu.

I Samuuele 22:2

Uoso ue uala bhu kíbhidi, mba uàdia makôngo mba ua tata ni mulonga, enhoso iá a mu bhongolokela kuenhoko, hé u kala kabhitangu kâ; anga a di bhongolola katé kia tena konda ia hâma jiuana ja mala kumoxi aia-nê.

I Samuuele 25:9

Minzangala ia Davidi anga eza, a kunda Nabale maka mosoʼama, mu dijina dia Davidi, anga a tula mahezu.