I Samuuele 24:9 - O Mikanda Ikola

⁹ Davidi anga u kuata kuambela Saúlo, uixi: Phala-hi, ngana, u ivua jimbuémbue ja athu, a kuambela, exi: Davidi ua-lu sota ku ku bhanga phulu?

I Samuuele 24:9 ပူးပေါင်းရင်းမြစ်များ

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 141:6

O Jingungu ja ilamba se a a lundumuina bhu dikenhe, kiene kiua kievua o maka ami kuma a kidi.

Jisabhu 16:28

Thulukutu u zokesa akuâ; mukua kabaka u muanga makamba a di zolo kinéne.

Jisabhu 17:4

Mukua kuhbanga phulu u bhana mátui ku mizumbu izuela kiaiibha; o mukua makutu u xamenesa mátui mê mu kuividila o dimi di tanga isunji.

Jisabhu 18:8

Maka ma mbombo-kumbodi, mukua ni dikoka dia touala, a somboluela katé mu mídia.

Jisabhu 25:23

Kitembu ki tunda ku suku, kiza ni ku xinjikila mvula; o dimi di tanga iaiibha, di bhekela pholo ia funduluka ni njinda.

Jisabhu 26:28

Dimi di tanga makutu, di bhekela kuiibha kuavulu; o dikanu di uabhela kukuata ngó kafua-ku-pholo, di bhekela kusendumuka.

Jisabhu 29:12

Se nguvulu u kuata kusuua o maka moso ma makutu, jiselevende jê joso u ji mona kukala isuéia.

Jelemiia 37:18

Jelemiia hé uambela dingi soba Zedekiia, uixi: Nga te kituxi kiahi kokuʼé, ni ku abhikʼé, ni ku kifuẋi kiki, ki kia mi bhekesa ku ngi ta mu kaleia?

Ijila 19:16

Kana kukala u kitoka kia jimbuémbue muʼaxaxi ka akuenu; kana kusota kujimisa o muenhu ua mukuenu; Eme-muène Jihova.

Tiiaku 3:6

O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

I Samuuele 20:1

Kienhokio-phe Davidi anga u lenga ku Naiote mu Lama, uiza kua Jonata, u mu ambela, uixi: Kima kiahi ki nga bhange? Nga bholomona mulonga uahi mba nga bhukumukina bhebhi? Kituxi kiahi ki nga te kua tatʼenu, phala muene ku ngi bhindamena kiki ku ngi jibha?

I Samuuele 20:41

Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.

I Samuuele 24:10

Talesa, mesu mé a ki mone kuma Jihova ua ku thelekalele lelu bhu lukuaku luami mu dibânda mumu. Amoxi-phe ue a ngi longesele kiá ku ku jibha, maji-phe nga ku lendukila, ngixi: Muadiʼami nguami ku mu zengela o lukuaku luami, kuma muene muthu ua ngene, Jihova muene ua mu undu ku ungana.

I Samuuele 24:8

Kia zubha kuia, Davidi ue u balumuka hé u tunda, u kuata kuhandekela Saúlo, uixi: Kùku, eie-ó! Saúlo kia sakuka kuema, Davidi u bhetama pholo bhoxi, u mu diundila ni ujitu uoso.

I Samuuele 26:18

Davidi uixi dingi: Phala-hi, ngana iami, ua-lu ngi sota kiki, ngi mubhikʼé? Eme kima kiahi ki nga bhange? Kituxi kiahi ki ua ngi mono na-kiu kia ngi kala bhu maku mami?

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.