I Samuuele 24:7 - O Mikanda Ikola

⁷ Kienhiki Davidi ua fudisa makuenze mê ni makʼama, ka ehela kulundumukina Saúlo phala ku mu bhanga kiaiibha. Saúlo anga u balumuka bhenhobho, u tunda mu dibanda, hé uia njila iê.

I Samuuele 24:7 ပူးပေါင်းရင်းမြစ်များ

II Samuuele 1:14

Davidi u mu ambela, uixi: Uoma-phe ua ku kambela-hi, ua kuzenga lukuaku lué mu kujibha muthu ua Jihova ua mu undu ni maji?

Jisálamu 7:4

se ngaii mu lokalala ió ua di xibhê, ki tu di kuata; inda nga bhana muenhu kua uoso ua ngi zembe sé kikuma;

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 24:8

Kia zubha kuia, Davidi ue u balumuka hé u tunda, u kuata kuhandekela Saúlo, uixi: Kùku, eie-ó! Saúlo kia sakuka kuema, Davidi u bhetama pholo bhoxi, u mu diundila ni ujitu uoso.

I Samuuele 25:33

Nga ku sakidila ue eie-muène ni kilunji kié, kuma ua ngi fudisa lelu kubhubhisa manhinga, ni ku vutula phonzo ni lukuaku luami eme-muène.

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?