I Samuuele 24:6 - O Mikanda Ikola

⁶ Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 24:6 ပူးပေါင်းရင်းမြစ်များ

II Samuuele 1:14

Davidi u mu ambela, uixi: Uoma-phe ua ku kambela-hi, ua kuzenga lukuaku lué mu kujibha muthu ua Jihova ua mu undu ni maji?

II Samuuele 24:10

Muẋima ua Davidi-phe u mu êlesa, kia zubha kukuata konda ia mundu. Davidi anga u ambela Jihova, uixi: Nga te kituxi kiavulu mu kubhanga kima kiki. Kiki-phe, u Jihova, mulonga ngi katule-u, ngi mubhikʼé, nga ku diondo; kuma nga bhange uoua uavulu.

I Jisobha 21:3

Nabote-phe uambela Akabe, uixi: Jihova a ngi lange; ka ngʼehele, kuila eme ngi ku bhana o undundu ua ngi xila jitata jami.

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Loma 12:14

Bhingenu Nzambi kuila a benzele oso a mi zudidika. Xi, bhingenu phala a a zediuise, mukonda inda o kubenzela kana kubhubhidila.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 24:7

Kienhiki Davidi ua fudisa makuenze mê ni makʼama, ka ehela kulundumukina Saúlo phala ku mu bhanga kiaiibha. Saúlo anga u balumuka bhenhobho, u tunda mu dibanda, hé uia njila iê.