I Samuuele 24:16 - O Mikanda Ikola

¹⁶ Bhenhobho, kia zumbuka Davidi kuzuela makʼama kua Saúlo, Saúlo uixi: O dízui diéʼodio, monʼami Davidi? Saúlo anga u suína dízui ni kudila.

I Samuuele 24:16 ပူးပေါင်းရင်းမြစ်များ

Dimatekenu 16:5

Sala i anga u ambela Mbalamu, uixi: O kusebuluka kuami ku kale ku thandu diê: nga ku bhana kahatu kami phala u mu te kuema dié; o kia mono kuma uala ni divumu, eme ua ngi mono kiá ngi kioua kiê; Jihova-phe a batule mulonga bhu kaẋi kami nʼeie.

Dimatekenu 2:2

O mu kizuua kia kasambuadi Nzambi kia zubha kukalakala kuê, u nhoha kizuua kia kasambuadi, o kikalakalu kiê kia bhange kiabhu.

Dimatekenu 33:4

Izaú anga u lenga mu kutakana-nê, u mu bhubhala, u mu bhana jibejo; anga a ta nzôngo a dila kiiadi kiâ.

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

Jobe 6:25

Ai-ué! Tatʼé! Maka a kulunga ala ni nguzu bá! Maji kima kiahi ki bazela o kubazela kuenu?

Jisálamu 119:154

Ngi fundile milonga iami, u ngi kule mu ubhika; u ngi bhane muenhu uobhe, kala ki ua ki tanga.

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Jisabhu 25:11

Mukonda kima se u ki zuela bhu thembu iê ia tokala, kila kala jimasá ja ulu bhu mabandeja ma phalata.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

Afundixi 11:27

Eme-phe ki nga te kituxi ko kué, eie muene ua ngi lokalala ku ngi lua ita; Jihova mukua kubatula milonga, a batule lelu bhuʼaxaxi ka anʼa Izalaiele, ni anʼa Amone.

I Samuuele 26:17

Saúlo anga u ijiia dízui dia Davidi, uixi: O dízui diéʼodio, monʼami Davidi? Davidi uixi: Kùku, ngana, dízui diami eme muene.

I Samuuele 26:24

Talesa, kala o muenhu ué ki ua kôlele mu mesu mami, kiene kimoxi muenhu uami ue u kole mu mesu ma Jihova, muene a ngi kudile mu kutata kuami kuoso-kuoso ku ngi kala na-ku.