I Samuuele 24:12 - O Mikanda Ikola

¹² Jihova a tu batuile ni eme ni eie! Jihova a ku tatele phonzo iami, maji eme-phe lukuaku luami ki ngi lu zengela kokué.

I Samuuele 24:12 ပူးပေါင်းရင်းမြစ်များ

Dimatekenu 16:5

Sala i anga u ambela Mbalamu, uixi: O kusebuluka kuami ku kale ku thandu diê: nga ku bhana kahatu kami phala u mu te kuema dié; o kia mono kuma uala ni divumu, eme ua ngi mono kiá ngi kioua kiê; Jihova-phe a batule mulonga bhu kaẋi kami nʼeie.

Dimatekenu 31:53

Nzambi ia Mbalahamu, Nzambi ia Naholo, Nzambi ia tatʼâ, a tu tetulule mudietu. Jakobo anga u loka mu Uoma ua tatʼâ Izake.

II Samuuele 22:48

Muene Nzambi iami ua ngi bhana ku a vutuila o phonzo, iu ua bateka o mundu phala ngi kale ku thandu diâ.

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

Jobe 5:8

Maji eme-phe, ngi sota Nzambi; mu kuzuela kuami ngi talela kua muene.

Jisálamu 35:1

Fúnda o mulonga uami, eie u Jihova, ni iá u nga di kuata-nâ, bhânga, Ngana, ni iá ala kubhânga ni eme.

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 94:1

U Jihova ua tokala o kubhesa o kaxtiku, u Nzambi u tokala kuzôkéla, tukuluka ni kubenha kué.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

I Phetele 2:23

O kia mu xingile, ka vutuile ndaka. Kia mu kuamene, ka tele ndumu, maji mulonga uê-phe ua u ehela Nzambi muenhó mukua kufundisa kiaiuka.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

Afundixi 11:27

Eme-phe ki nga te kituxi ko kué, eie muene ua ngi lokalala ku ngi lua ita; Jihova mukua kubatula milonga, a batule lelu bhuʼaxaxi ka anʼa Izalaiele, ni anʼa Amone.

I Samuuele 20:1

Kienhokio-phe Davidi anga u lenga ku Naiote mu Lama, uiza kua Jonata, u mu ambela, uixi: Kima kiahi ki nga bhange? Nga bholomona mulonga uahi mba nga bhukumukina bhebhi? Kituxi kiahi ki nga te kua tatʼenu, phala muene ku ngi bhindamena kiki ku ngi jibha?

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.