I Samuuele 24:11 - O Mikanda Ikola

¹¹ Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 24:11 ပူးပေါင်းရင်းမြစ်များ

II Samuuele 1:14

Davidi u mu ambela, uixi: Uoma-phe ua ku kambela-hi, ua kuzenga lukuaku lué mu kujibha muthu ua Jihova ua mu undu ni maji?

II Jisobha 5:13

Bheneʼobho-phe abhikʼé a mu zukama, a mu zuelela, exi: Tatʼetu, tata! Se o polofeta ua kuambelele kubhanga kima kia dikota manhi eie kuejʼu ki bhanga? Kuambe dingi ua ku tangelé ngoho, uixi: Di sukule nda u di sanze.

Jobe 10:16

Mbata se eme ngi di zangeleka, eie u ngi tomba mukua ni hoji ia kiluami, anga u bhanga dingi ima ia isunji ni madiuanu mu ku ngi bhanga kia ibha.

Jisálamu 119:161

Ilamba ia ngi zuididika sé kikuma; maji ku muẋima uami-phe, ngala ni uoma ua maka mé.

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisálamu 35:7

Kuma a ngi tela uanda ua ku ngi kuata; sumbala o mulonga u nga te ki u moneka; sé ngó kikuma, a ngi kandeia diela mu njila, phala kukuata o muenhu uami.

Jisálamu 59:3

Kuma ia-ue-iá, a ngi batamena ni ku ngi tela mibhetu; iiala ia nguzu ia di bande mu ku ngi kuata; sè kituxi kiami, mba mulonga, eie u Jihova, tata!

Jisálamu 7:5

nguma ió-phe a ngi kaie, a ngi kuate; muenhu uami a u titidile muene bhoxi, o ujitu uami a u fufujule mu mavu. (Selah.)

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Kuditenda 4:18

O ki tua zangula jinga díkanda dia kuenda, akala mu ku tu tola, o kuenda mu jiluua jetu-phe kia tu bhonzele: Tuexi-phe: Lamba dietu dia tuiza, izuua ietu ieza-bhu; xi, kuma disukilu dietu dia bhixila.

Izekiiele 13:18

Phala u a tangele, uixi: Jihova Nzambi uambe kiki: Kokolo dia ahatu ió ene mu kuila o jihâbia joso a ji tungila tuphetu, o mítue ioso ia iteka a i bhangela jiphetu ja makota, mbé o kutomba o mala! Manhi muenda ni kutomba o mala a mundu uami? Anga o jinzumbi mu ji bhaka ni muenhu phalʼenu?

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 18:27

Davidi anga u katuka kiá, ni muene ni makuenze mê a mu tokala, anga a jibha ku akua Fidíxia, hâma jiiadi ja mala. Davidi anga u bheka inhunga iâ, hé u thelekala kua muenexi konda ia mu xindi ia tena, phala a kale holomeʼa muenexi. Saúlo anga u mu bhana Mikala, monʼê ua muhatu, mu kala mukajiʼê.

I Samuuele 23:14

Kienhiki Davidi u kala mu inhunginu mu mitôlo, u enda mu milundu mu ditutu dia Zifi. Saúlo anga u kala ni ku mu sota izuua ioso sé kunhoha, Nzambi-phe ka mu thelekala bhu maku mê.

I Samuuele 23:23

Ka tadienu-phe kiambote hanji, mu lange ididi ioso bhuene kusuama, se mua mono bhuoso bhu tu mu kuatela sé kufula, kiene ki muiza dingi ku ngi takana eme, tuile kumoxi. Hé kiene-phe, se mu ngongo Davidi iú momo, né uala koxiʼa mavu eme ngi mu seia muene ni jimidi joso ja masoladi a Juda.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 26:18

Davidi uixi dingi: Phala-hi, ngana iami, ua-lu ngi sota kiki, ngi mubhikʼé? Eme kima kiahi ki nga bhange? Kituxi kiahi ki ua ngi mono na-kiu kia ngi kala bhu maku mami?

I Samuuele 26:20

Kikiphe manhinga mami ka bhubhile ngó bhoxi ku makanga mengi, mukonda dia ku ngi kaia bhu pholo ia Jihova. Kuma muenexi a Izalaiele ua di te ni ku ngi kenga kala ueza mu sota mbuanana, ua soko ni dinhanga u seia nguadi mu milundu!

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.