I Samuuele 23:6 - O Mikanda Ikola

⁶ Kioso-phe kia lenge Abiiatale, monʼa Ahimeleke, anga u sanga Davidi ku Keila, uejiia kumoxi, ni efodi ia kuata bhu lukuaku.

I Samuuele 23:6 ပူးပေါင်းရင်းမြစ်များ

I Jisobha 2:26

Nganga Abiiatale-phe anga a mu ambela kuala muenexi, uixi: tunda bhabha, uie ku mábhia mé ku Anatote; kuma eie u muthu ua fuama ku ku jibha; maji-phe ki ngi ku jibha mu thembu iii, mukonda eie uambatele jinge o álaka ia Jihova Nzambi bhu pholo ia tatʼetu Davidi, ni hadi ioso ia talele jinge tatʼetu, eie ue ua i talela jinga-nê kumoxi.

Makatukilu 28:6

O ki u iudika efodi, i kala ia ulu, ni azulu, ni pulúpula, ni kalumezim, ni linhu ia fina iòuinde, ufunu ua mesene ia mulongo.

I Samuuele 14:18

Saúlu anga u ambela Ahija, uixi: Bheka kunu o álaka í ia Nzambi. Kuma thembu ioio álaka ia Nzambi iala bhuʼamoxi ni anʼa Izalaiele.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 22:20

Anga bu kala mona umoxi ua Ahimeleke monʼa Ahitube, monʼa diiala dijina diê Abiiatale, u a xa bhu maku anga u lengela kua Davidi.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:5

Davidi-phe ni makuenze-mê aia ku Keila, a lua ni akua Fidíxia, anga a a tambula ibhaku iâ, a a jibha ni kihaẋi kia dikota. Kienhiki Davidi u bhulula akua Keila.

I Samuuele 23:7

Anga a ki kunda Saúlo kuila Davidi ueza ku Keila. Saúlo anga u zuela, uixi: Nzambi ua ngi thelekala-nê bhu maku mami; kuma ua kuaẋiua, kiene kia bokona mu sanzala ia bhiti kimbaka, iala mabhitu ni jitalangʼiki.

I Samuuele 23:9

Davidi anga u kʼijiia kuma Saúlo uala ku mu kanena ku mu bhanga kiaiibha! Anga u ambela nganga Abiiatale, uixi: Beka kunu efodi.

I Samuuele 30:7

Davidi anga u ambela nganga Abiiatale, monʼa Ahimeleke, uixi: Nga ku diondo, efodi ngi bhekele-iu kunu. Abiiatale anga u bheka efodi kua Davidi.