I Samuuele 23:4 - O Mikanda Ikola

⁴ Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.

I Samuuele 23:4 ပူးပေါင်းရင်းမြစ်များ

II Samuuele 2:1

Kia bhiti iene ioso iii, Davidi u ibhula kua Jihova, uixi: Ki ngalʼiki, ngi banda ku mabhata ma Juda, inga kana? Jihova anga u mu ambela, uixi: Banda. Davidi uixi: Ngi kana dibhata diebhi? Ngana, uixi: Uia ku Hebolone.

II Samuuele 5:19

Davidi anga u ibhula kua Jihova, uixi: Ngi banda mu kúlua ni akua Fidíxia, inga kana? Manhi ua-nda ku ngi thelekala-nâ bhu lukuaku luami? Jihova anga u ambela Davidi, uixi: Banda, kuma ni kidi kiene akua Fidíxia nga kà a thelekala muene bhu lukuaku lué.

II Jisobha 3:18

O kik-phe hanji ki kima ku mesu ma Nzambi; kuma uanda ku mi bhakuila ue akua Mouabhi bhu maku menu.

I Malunda 14:10

Davidi anga udikunda ni Ngana Nzambi, uixi: Nga-nda kubanda mu kúlua ni akua Fidíxia, eie ua kà a bhakula bhu maku mami? Ngana hé u mu ambela, uixi: Banda, kuma ene oso nga kà ku bhakuila-u bhu maku mé.

Josuué 8:7

Bhenhobho enu-phe muila mu ki mona, mu balumuka bhu kididi bhuoso bhu mua batamena, mu a bhingane mu mbonge, mu i tambule kuma Jihova ua-nda ku mi bhana-iu bhu maku menu.

Afundixi 6:39

Ngidiione anga u ambela dingi Nzambi, uixi: Njinda ié Ngana, ki i ngi uamene, ngi zuele ngó lumoxiʼulu; ngi fikise-ku dingi, nga ku diondo, ngi te kindemba lumoxi ngó; kiki-phe o kindemba ngó ki kukuta, bhoxi bhuoso bhu kala dimume.

Afundixi 7:7

Jihova anga u ambela Ngidiione, uixi: Hâma jitatu ja mala iá a kabula menha ni lukuaku, ene ngi mi bhulula-nâ, kua ene ku ngi bhakuila akua Midiiana bhu lukuaku luê; mundu ua mukuá a muangane, ene oso aie ku ididi iâ.

Afundixi 7:9

Mu kukala-pe usuku uenhó, Jihova u ambela Ngidiione, uixi: Balumuka, u kulumuke mu kúlua kilômbo; kuma nga ki bhakula bhu lukuaku lué.

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:3

O mala ala ni Davidi anga a mu ambela, exi: Sumbala kunu mu Juda tuala ni uoma, ki kala-phe kiehhi se tuia ku Keila mu kúlua ni ilombo ia akua Fidíxia?

I Samuuele 23:5

Davidi-phe ni makuenze-mê aia ku Keila, a lua ni akua Fidíxia, anga a a tambula ibhaku iâ, a a jibha ni kihaẋi kia dikota. Kienhiki Davidi u bhulula akua Keila.

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.

I Samuuele 30:8

Davidi anga u ibhula kua Jihova, uixi: Kibuka kiki, se ngi ki kaiela manhi ngʼa kuata? Anga Jihova u mu vutuila, uixi: Kaiela, u a kuata muene, iene ioso u i tambula dingi.