I Samuuele 23:12 - O Mikanda Ikola

¹² Davidi-phe, uixi: Manhi akua Keila a ngi thelekala ni makuenze mami bhu maku ma Saúlo? Jihova uixi: A ku thelekala muene.

I Samuuele 23:12 ပူးပေါင်းရင်းမြစ်များ

Jisálamu 118:8

Kota kudielela kua Jihova, kana kudielela ku muthu.

Jisálamu 143:8

Ngi bhangese kuivua o kulenduka kué mu kimene, kuma eie-muène nga ku dielela; ngʼidikize o njila ioso i nga tokala kuila, kuma o muenhu uami ua bhetukila ko kué.

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Izaía 29:15

Lamba dia ió oso a sota kusueka ima iâ ku mesu ma Jihova, nʼende ni kubhangela ima iâ mu kitombe, exi: Mukuahi u tu mona? Mukuahi u tu ijiia?

Jelemiia 11:18

Jihova ua ngi ijidisa-kiu, eme nga kijiia kiua; Eie-phe ua ngʼijidisa o ibhangelu iâ.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Afundixi 15:10

Akua Juda-phe anga a ebhula, exi: Ihi kia mi bheka mu ku tu sota kiki? Kuala ene: Kia tu bheka o kukuta Sansau, phala ni tu mu bhange kioso muene kia tu bhange etu.

I Samuuele 23:11

O kuila akua Keila a ngi bhakula bhu maku mê? Saúlo manhi u kulumuka muene, kala ki ngʼevu, ngi mubhikʼé? Eie u Jihova, Nzambi ia Izalaiele, nga ku diondo ngi tangele, ngi mubhikʼé. Jihova anga u mu ambela, uixi: U kulumuka muene.

I Samuuele 23:20

Kiki-phe, kùku, kulumuka, kioso kiandala muẋima ué; kulumuka, etu-phe tua soko-bhu ku mu thelekala bhu maku mé.

I Samuuele 23:7

Anga a ki kunda Saúlo kuila Davidi ueza ku Keila. Saúlo anga u zuela, uixi: Nzambi ua ngi thelekala-nê bhu maku mami; kuma ua kuaẋiua, kiene kia bokona mu sanzala ia bhiti kimbaka, iala mabhitu ni jitalangʼiki.