I Samuuele 22:8 - O Mikanda Ikola

⁸ Kiene ki mua ngi kanenena? Mukonda mua di xibhenu ki bhuala ua ngi jimbuila-kiu kioso kia te monʼami kikutu ni monʼa Jese; ki bhuala mudienu ua ngi kuatela henda, mba u ngi jimbuila kuma monʼami ua funhisa mubhikʼami ku ngi kitukila, ni ku ngi batamena kala ki mua di muena mu kizuua kia lelu.

I Samuuele 22:8 ပူးပေါင်းရင်းမြစ်များ

II Jisobha 6:11

O muxima ua sobha ia Sídia hé u teketa mu kumona kienʼiki, anga uixana abhikʼé, uixi: Enu nguenu ku ngʼijidisa mba nanhi mudietu uala ku mbandu ia sobha ia Izalaiele?

Jobe 33:16

muene-phe u jikula o mátui ma athu, anga ioso ia a longa u i jika kidimbu.

I Samuuele 18:1

Bhenhobho anga ki bhita kuila, kia zubha Davidi kuzuela ni Saúlo, muẋima ua Jonata u takana ni muẋima ua Davidi, Jonata anga u zola Davidi kala kia di zolo muene.

I Samuuele 18:3

Ni Jonata ni Davidi-phe anga a ta kikutu kia ukamba, mukonda o Jonata ua zolele Davidi kala kia di zoloʼê muene.

I Samuuele 20:2

Muene u mu vutuila, uixi: Ki kala kisunji; tatʼetu ka tena ku ku jibha! Mukonda muene kene kubhanga kima kia dikota mba kiofele, nʼa kambe ku ngi tangela-kiu. Hé kiki-phe, tatʼetu u ki suekela-hi? Nga fika makutu.

I Samuuele 20:42

Jonata anga u ambela Davidi, uixi: Ndeie kiá ni paze, mukonda tua di lokela kiiadi kietu mu dijina dia Jihova, tuixi: Jihova u kala bhu kaẋi ka eme ni eie, bhu kaẋi ka luvalu luami ni luvalu lué, sé dizubhilu.

I Samuuele 20:8

Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?

I Samuuele 22:13

Saúlo u mu ambela, uixi: Mu ngi kanenenʼahi, ni eie ni monʼa Jese? Kia bhingi eie ua mu bhana huta, ua mu bhana xibhata, ua mu zambuila kua Nzambi, phala a ngi kitukile, a ngi batamene, kala ki tua mu ki mona kizuua kia lelu.

I Samuuele 23:21

Saúlo anga u a ambela, uixi: Jihova a mi benzele; kuma mua ngi kuatela henda.