I Samuuele 22:4 - O Mikanda Ikola

⁴ Anga u a bheka bhu pholo ia sobha ia Mouabhe, anga a tunga-nê kumoxi thembu ioso iala Davidi mu mutôlo.

I Samuuele 22:4 ပူးပေါင်းရင်းမြစ်များ

II Samuuele 24:11

Kúkia ni kimene Davidi u balumuka, kizuelu kia Jihova anga kʼiza kua polofeta Ngadi, thoni, ia Davidi, kixi:

II Samuuele 8:2

Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

I Malunda 11:16

Davidi-phe uakexile bhu kididi kia kondama, kia nguzu, mu dibanda; maji o masoladi a kilangidilu kia akua Fidíxia kia kexile mu Beleme.

I Malunda 12:16

Ku ana a Bejamí ni Juda, kuiza ue athu kua Davidi, bhu kididi kia nguzu, mu mabànda mua suamene,

I Malunda 21:9

Jihova-phe, anga uzuelela Ngade, o muzambuidi ua Davidi, uixi:

I Malunda 29:29

O dilunda dia ima ioso ia bhangele sobha Davidi, kutale ia dianga, uixi ia sukidila-ku, tala, iòsoneke mu divulu dia Malunda a Samuuele, o mukua lumono, ni mu Malunda a polofeta Natane, ni mu Malunda a Ngadi, mukua lumono lua kumona.

II Malunda 29:25

Anga u ta o jilevita mʼonzo ia Jihova ni jingoma ja ngondo, ni jikakoxi ni jimbanza kala kia tuma Davidi ni Ngade, ua kexe mu ku zambuila sobha ni polofeta Natane; mukonda kiene kia tumina Jihova, ku lukuaku lua jipolofeta jê.

Nehemiia 6:11

Eme-phe, ngixi: Ki bhita kiebhi? Diiala kalʼeme, u lenga? Nanhi muene uala-ku, kala eme, u bokona mu Tembulu nʼa laie? Kana! Momo ki ngi xikina kubokona-mu.

Jisálamu 11:1

Kua Jihova kuene ku nga lengela! Enu-phe muala ku ngʼila kiebhi, tuka lusolo kala kanjila, uà kale ku milundu kuná?

Matesu 10:23

Ki a mi kaiesa mubhakabhaka mu mbonge imoxi-phe, enu lengelenu ku mbonge ia mukuá. Ngi mi tangela kidi, kuila: Jimbonge ja Izalaiele ki mua kà zubha luua ku ji enda, bhuà kejiia Monʼ a Muthu.

I Samuuele 22:3

Davidi anga u katuka bhenhobho, uia ku Mixipa ku Mouabhe. Anga u ambela sobha ia Mouabhe, uixi: Nga ku diondo, ehela tatʼetu ni mamʼetu eze a kale bhu kinama kié, katé ki ngʼijiia kioso kia-nda ku ngi bhanga Nzambi.

I Samuuele 22:5

Polofeta Ngadi anga uambela Davidi, uixi: Kana kukala kunu mu mutôlo, tunda-mu uie kʼoxi ia Juda; kienʼokio Davidi u tunda uiza u kala mu muxitu ua Helate.