I Samuuele 21:8 - O Mikanda Ikola

⁸ Davidi anga u ambela Ahimeleke, uixi: Kuala-bhu ni sosa mba mukuale bhua butu? kuma ngeza ngó sé mukuale, sé kumaneka felu ioso-ioso, kuma muenexi ua ngi tumu lusolo.

I Samuuele 21:8 ပူးပေါင်းရင်းမြစ်များ

Estere 8:14

Kala kiki o jiphunga ja koleiu ji suluka, a mondala jikabalu ji lenga lusolo ja tokala mu kikalakalu kia muenexi, a a tendelela exi mu kumbidila muene, mu bhanga lusolo, ene anga a bhanga muene kala kia a tumu Shoba. O ngonge ienhiʼii anga a i xikisa mu mbonge ioso ia Suzana.

Luka 10:4

Ki mu ambate hutu, né mbuènge ia iphaka né jisabhatu. Ki mu imane mu ku menekena ue muthu uoso-uoso mu njila.

I Samuuele 21:7

Sai-phe muthu ku mbèle ia Saúlo u kala-bhu ue kizuua kienʼokio, a mu kingisa bhu pholo ia Jihova; dijina diê Doueki mukua Edomo, muene dikota ku abidi a Saúlo ene mu kuinga ibhaku iê.

I Samuuele 21:9

Nganga-phe, uixi: Mukuale ua Ngoliia mukua Fidíxia, ua mu jibhidile eie mu honga ia Elá, iu-ê-iú, uófute mu dituaia kuema dia efodi; ki u u mesena, tambula-u, kuma uene ngó uala-bhu, kana-bhu uengi. Davidi uixi; Uenhó-phe ki uala mukuâ; ngi bhane-u.

I Samuuele 22:22

Davidi anga u ambela Abiiatale, uixi: Nga ki ambe kizuua kienʼokio, ki nga mono Doueke mukua Edomo iú bhobho, ngixi ua-nda kua ki tangela Saúlo. Eme muene nga bheka divuua dia kujibha athu oso a dibhata dia tatʼenu.

I Samuuele 22:9

Bhenhobho Doueki, mukua Edomo, ua kexile muene dikota dia akua mbèle ia Saúlo, u kumbulula, uixi: Nga muene monʼa Jese kiejile ku Nobe, kua Ahimeleke monʼa Ahitube.