I Samuuele 21:7 - O Mikanda Ikola

⁷ Sai-phe muthu ku mbèle ia Saúlo u kala-bhu ue kizuua kienʼokio, a mu kingisa bhu pholo ia Jihova; dijina diê Doueki mukua Edomo, muene dikota ku abidi a Saúlo ene mu kuinga ibhaku iê.

I Samuuele 21:7 ပူးပေါင်းရင်းမြစ်များ

Dimatekenu 26:20

O abidi a ibhaku mu Jelala anga a di kuata ni abidi a ibhaku ia Izake, exi: Iá menhʼetu; muene kiximʼiki anga u ki luka Eseke mukonda a di kuata-nê jimvunda bheneʼobho.

I Malunda 27:29

O ku jingombe ja dila jinga mu makèla ku milundu ia Salone, a tele-ku Sitalai, mukua Salone. O ku jingombe ja dila jinga mu ibonda, Safate dia monʼ a Adalai.

I Malunda 27:31

O ku ibhaku iofele, Jazize, mukua Hangale. Ene osoʼâ ene a kexile o makota mu kutambula konda ia jimbongo ja kexile na-ju sobha Davidi.

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Ijila 22:10

Nzuangiza ue ka tena kudia ku ima ikôla iosatele Nzambi; musonhi a mu langeka kuala nganga, ni mukua nganhu ima iii kà iʼdie;

Ijila 22:13

O kʼikala monʼa nganga uala mutudi, mba a mu senge, maji kʼeze ni ana, iú ualukila kua tatʼâ kala kia kexe mʼundenge uê, mamá, ió ku mbolo ia tatʼâ a diê; maji muthu ngó uoso-uoso ua tundu kuengi, kana; ió ka die-ku.

Ijila 24:5

U katula ue fuba iauabha kiambote anga u i kanga kuinhi dia ʼmbolo ni jiiadi, kadia mbolo i ambata fuba iozonge mu tu-inda tuiadi tu tena kubhana tukuinhi tuiadi tua efah.

Ijila 24:8

Kadia kizuua kia sabhalu, Alá u ta jimbolo ku munôno bhu pholo ia Jihova, mu ʼthembu joso, mu ki bhangela anʼa Izalaiele, ki kale kikutu ki nangenena katé ku hádia ni hádia.

Amoji 8:5

Anga muamba, muixi: O mbeji ia thethama ia kà bhita kizuua kuẋi ni tu sumbise o jimbundu jetu ja tiliku? O sabhalu ue iza kithangana kiebhi, mbé tu jikule o inganja ietu ia tiliku, ni kutununa o kizongelu kia efa, tu vudise ku xikulu, tu bhange ungulungumba ni jipezu ja mangonha ja kufumba na-ju athu.

Matesu 15:8

Athu iá a ngi xila ni mizumbu iâ; miẋima iâ-phe ia ngi kala kualebha.

I Samuuele 11:5

Talesa-phe, ola ienhoio Saúlu iú uiza ni kukaiela jingombe jê, uala kutunda ku mábhia; Saúlu anga uila, uixi: Mundu ihi kia a kuata, ala mu dila kiki? Anga a mu kunda o maka ma akua Jabezi.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.

I Samuuele 21:8

Davidi anga u ambela Ahimeleke, uixi: Kuala-bhu ni sosa mba mukuale bhua butu? kuma ngeza ngó sé mukuale, sé kumaneka felu ioso-ioso, kuma muenexi ua ngi tumu lusolo.

I Samuuele 22:10

Muene anga u mu zambuila kua Jihova, u mu bhana huta, u mu bhana ue o xibhata ia Ngoliia mukua Fidíxia.

I Samuuele 22:22

Davidi anga u ambela Abiiatale, uixi: Nga ki ambe kizuua kienʼokio, ki nga mono Doueke mukua Edomo iú bhobho, ngixi ua-nda kua ki tangela Saúlo. Eme muene nga bheka divuua dia kujibha athu oso a dibhata dia tatʼenu.

I Samuuele 22:9

Bhenhobho Doueki, mukua Edomo, ua kexile muene dikota dia akua mbèle ia Saúlo, u kumbulula, uixi: Nga muene monʼa Jese kiejile ku Nobe, kua Ahimeleke monʼa Ahitube.