I Samuuele 21:5 - O Mikanda Ikola

⁵ Davidi anga u vutuila nganga, uixi: Tua fulu muene, lelu tatu kizuua ki tuende ni ahatu; o ki nga katuka mikutu ia makuenzeʼami iazele muene, sumbala njila i tuala kuenda ki i bhingi ngó ku tu bonza; lelu-phe tu zela kiengi ki tuanda kudia o jimbolo jikôlʼiki!

I Samuuele 21:5 ပူးပေါင်းရင်းမြစ်များ

Makatukilu 19:14

Kioso Mozé kia tuluka ku mulundu, iú ueza bhuala o mundu, u bonza o kifuẋi, anga a sukula o izuatu iâ.

Makatukilu 19:15

Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Makatukilu 25:30

O ku meza-phe u ta jinga-ku o jimbolo ja ku ngi tela sata, ji kale jinge bhu pholo iami izuua ioso.

Ijila 24:9

I kale-phe mbolo iangene ia Alá ni anʼê, ende ni ku i dila bhu kididi kikôla, mbata kima kiakolela-ku phala muene, kia tundu ku ma-ujitu ma kubhakula ni túbhia kua Jihova, kikale kijila ki nangenena katé ku hádia ni hádia.

Ijila 8:26

O mu kinda kia jimbolo ja kambe felemendu, jala bhu pholo ia Jihova, anga u katula-mu mbolo imoxi ia kambe felemendu, mbolo imoxi ióte maji, ni bolaxa imoxi, u ji ta ku thandu dia banha ni ku thandu dia kinama kia taku kia kadilu.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

I Phetele 3:17

Mbata se kiene kia tu xindi o vondadi ia Nzambi, kota o kutala hadi mukonda dia kubhanga o mbote, kana mukonda dia kubhanga kiaiibha.