I Samuuele 21:11 - O Mikanda Ikola

¹¹ Akua mbèle ia Akiji anga a mu ambela, exi: Davidiʼú, ki muene muenexi ko kuâ? Ki muene a mu te ku mukûmbi mu kuimba ni kukina, exi: Saúlo ua jibha jimidi Davidi-phe makuinhi a jimidi?

I Samuuele 21:11 ပူးပေါင်းရင်းမြစ်များ

Jisálamu 34:1

Ngi benzela Jihova mu thembu joso; diximanu diê di kala jinga mu kanu diami.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 19:18

Kienhiki Davidi-phe u lenga, u mu xia, anga u bhulaka hé uia kua Samuuele bhu Lama, u mu kunda iene ioso ia mu bhange Saúlo. Ni muene ni Samuuele-phe anga aia a xikama mu Naiote.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.

I Samuuele 27:2

Kienhókio Davidi anga u zanguka, ni muene ni hâma jisamanu ja mala aia-nê kumoxi, hé a sambuka kua Akiji, monʼa Maoka, sobha ia Ngate.

I Samuuele 29:5

Ki muene Davidi-ú a mu tele ku mukûmbi mu kuimba ni kukina, exi: Saúlo ua jibha jimidi? Davidi-phe makuinhi a jimidi?