I Samuuele 20:8 - O Mikanda Ikola

⁸ Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?

I Samuuele 20:8 ပူးပေါင်းရင်းမြစ်များ

Dimatekenu 24:49

Kiki-phe, se mu bhanga o henda ni kidi kua muadiʼami, ngʼambedienu; o ki muila kana, ngʼambedienu ue; phala ngi di tele ku kúdia mba ku kiasu.

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

II Samuuele 14:32

Abisalone anga u vutuila Jouabe, uixi: Ku mono, nga ku tumine luiadi, ngixi: Izá kunu, ngi ku tume kua muenexi kuibhula mba nga tundila-hi ngó ku Ngesule? Mukonda ujitu uê kota, se nga xedi hanji kuenhoko. Kiki-phe a ngi bhane disesa dia kumona pholo ia muenexi; o ki kala-phe ua mono ngala ni kituxi, a ngi jibhe.

I Malunda 12:17

Davidi hé u tunda mu ku a sangesa, anga ua a zuelela, uixi: Se enu mua ngendela ni muẋima ua kutululuka kuoso, mbé ku ngi kuatekesa, o muẋima uami udibanda kukouenu; maji-phe se mueza phala o ku ngi bhakula ku jinguma jami, sè kima kiaiibha ki nga bhange bhu maku mami, Nzambi ia jitata jetu u ki mona hé u ki bazela.

Jisálamu 116:11

nga zuela-phe ngó lusolo, ngixi: Athu oso, mbé makutu!

Jisabhu 3:3

O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Jipoxolo 25:11

Se ngala ngi mukua kikuma kia kutondala o Kitumu, mba nga te kituxi ki tokala ku ngi jibha, ki ngi ditunu kufua. O ki kala ima ioso ia ngi tatela mala iá ki ia kidi, kana ue muthu u tena ku ngi thelekala kua ene. Kala kiki, eme nga fundila kubhiẋila kua Sézalu.

Josuué 2:14

Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!

Lute 1:8

Mu njila kioso kia muia ni kuenda, Nouemi anga u ambela akaji a anʼê, uixi; Ndokuenu kiá, mu vutuke kala muthu ku bhata dia manhʼâ; o Jihova a mi bhange o mbote, kala enu ki mua i bhange o madifundu, kala ue ki mua ngi bhange-iu eme.

I Samuuele 18:1

Bhenhobho anga ki bhita kuila, kia zubha Davidi kuzuela ni Saúlo, muẋima ua Jonata u takana ni muẋima ua Davidi, Jonata anga u zola Davidi kala kia di zolo muene.

I Samuuele 18:3

Ni Jonata ni Davidi-phe anga a ta kikutu kia ukamba, mukonda o Jonata ua zolele Davidi kala kia di zoloʼê muene.

I Samuuele 20:16

Kienhiki Jónata anga u ta kikutu ni dibhata dia Davidi, uixi: Jihova a ki tongolole, a kʼibhule ku jinguma ja Davidi, a a fute kia tokala.

I Samuuele 20:9

Jónata uixi: Lu ku suke; eme se nga kʼijidile kuila tatʼetu ua bhindamena ku ku bhanga phulu, manhi ngi kamba ku ku tangela-kiu?

I Samuuele 23:18

Anga a ta kikutu kiiadi kiâ bhu pholo ia Jihova. Davidi anga u xala bhu Holesa, Jonata-phe uia ku bhata diê.