I Samuuele 20:41 - O Mikanda Ikola

⁴¹ Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.

I Samuuele 20:41 ပူးပေါင်းရင်းမြစ်များ

Dimatekenu 29:11

Jakobo anga u bhana beju kua Lakele, u zangununa o dízui diê ni kudila.

Dimatekenu 29:13

Labano-phe kia zubha kuívua hundu ia Jakobo, monʼa phangʼiê ia muhatu, uiza ni kulenga mu takana-nê, u mu bhubhala, u mu bhana jibejo, u mu bheka ku bhata diê. Muene anga u kundila Labano ima ioso ia bhiti na-iu.

Dimatekenu 33:4

Izaú anga u lenga mu kutakana-nê, u mu bhubhala, u mu bhana jibejo; anga a ta nzôngo a dila kiiadi kiâ.

Dimatekenu 42:6

Zuze-phe, uala nguvulu iaʼxi ioio; muene uala kusumbisa athu oso o makudia. Jiphange ja Zuze anga a tula, a mu diundila ni jipholo ja tula ku mavu.

Dimatekenu 43:28

Ene a vutula, exi: Selevende ié, tatʼetu, uala kiambote; iú-é hanji ku muenhu. Anga a bhetama dingi, a diunda.

Dimatekenu 45:15

O Zuze anga u bejala o jiphange jê joso, u dila ue ni ene; o kia zubha kubhanga kiki, jiphange jê kiene kiua kia tena kuzuela-nê.

II Samuuele 1:2

mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Samuuele 1:26

Kia ngi kate, phangʼiami Jonata, tata! Uthu u ua ngʼidikiza jinga ua vulu; henda i ua ngi kuatelele ia madiuanu! henda ié ia tundu o henda ia ahatu.

II Samuuele 14:4

O muhatu mukua Tekoua kieza kuzuela ni muenexi, u diunda, u bheza, uixi: Sobha, tatuʼodio!

II Samuuele 19:39

Mundu uoso anga a zaúka Njolodá, muenexi ue anga u zaúka; muenexi anga u bhana Badizilai jibeju, u mu tula kizediuise, muene anga u vutuka ku bhata diê.

II Samuuele 9:6

Mefibozete monʼa Jonata, monʼa Saúlo, anga uiza kua Davidi, u dibhala pholo bhoxi, u diunda. Davidi uixi: Mefibozete! Muene uixi: Emʼiú, Ngana, ngi mubhikʼé!

I Jisobha 1:16

Bete-seba anga u bhetama u diundila muenexi, anga u zuela, uixi: Kuambeʼá? Ua mesena-hi?

I Jisobha 1:23

Anga a tangela muenexi, exi: O Polofeta Natane iú. O muene kia zubha ubhiẋila bhu pholo ia muenexi, u bhetamena bhu pholo ia muenexi katé pholo ia tula bhoxi.

I Jisobha 1:31

Bete-seba bhenhobho anga u bhetama, u tula o pholo bhoxi, u diundila muenexi, uixi: Kùku Davidi, ngana iami, a kolelè-ku o muenhu.

Jipoxolo 20:37

Ene oso anga a dila kisoxi, a di bhubhala ni Phaulu, a mu bhana jibeju.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 18:3

Ni Jonata ni Davidi-phe anga a ta kikutu kia ukamba, mukonda o Jonata ua zolele Davidi kala kia di zoloʼê muene.

I Samuuele 20:40

Jonata anga u bhana (uta uê ua) mufula ni jihunji ku kaiala, anga u mu ambela, uixi: Ndé, imʼii ka i bheke ku bhata.

I Samuuele 24:9

Davidi anga u kuata kuambela Saúlo, uixi: Phala-hi, ngana, u ivua jimbuémbue ja athu, a kuambela, exi: Davidi ua-lu sota ku ku bhanga phulu?

I Samuuele 25:23

Abingaile kia mono Davidi, u lenguluka, hé u tuluka ku bulu ie, u mu diundila, u tula dibhomo ku mavu bhu pholo ia Davidi.