I Samuuele 20:31 - O Mikanda Ikola

³¹ Kuma kioso kiala hanji monʼa Jese kʼulu dia munduʼiki eie muene muenhu ué ki u kolo, o utuminu ué ki u kuata. Kiki-phe, mu tume, u ngi bhekele-nê bhabha; kuma ni kidi muene, ua bhingi úfua.

I Samuuele 20:31 ပူးပေါင်းရင်းမြစ်များ

II Samuuele 12:5

Davidi anga njinda i mu kuata kiavulu ia muthu muene a mu tangeʼó; anga u ambela Natane, uixi: Nga loka muene kua Jihova uene ni muenhu, kuma muthu ua tena kubhanga kiki, ua tokala kúfua!

II Samuuele 19:28

Kuma dibhata dioso dia tatʼetu a tokalele kuxala madifundu bhu pholo ié, kùku, ngana iami. Maji eie-phe ua ngi bhake eme, ngi mubhikʼé, mu axaxe ka athu a dila ku meza mé. Ngala-phe dingi ni kulunga kuahi, kuila ngi dikola dingi mu kubhinga kima kua muenexi?

Jisálamu 79:11

O kudila kua ió a a kuika, ku bhixile ko kué; a jitune ni nguzu ia lukuaku lué, oso a a xindi kiá ku a jibha.

I Samuuele 19:6

Saúlo anga u ívua dízui dia Jonata; Saúlo anga u loka, uixi: Kala Jihova kiala ku muenhu, Davidi ka mu jibha, kana.

I Samuuele 20:30

Bhenhobho njinda ia Saúlo i uamena Jonata, uixi: Eie u monʼa muhatu uathathamana, ua xibhaka, kifua eme nga kambe ku kʼijiia kuila eie ua solo monʼa Jese muenhó ku ukamba, phala ku di bhekela jisonhi eie muene, ni kubhekela jisonhi ku tuẋi ia mamʼenu.

I Samuuele 20:8

Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?

I Samuuele 23:17

anga u mu ambela, uixi: Ku kale ni uoma; kuma lukuaku lua tatʼetu Saúlu lu ku lémbua muene, ki lua-nda kutena ku ku kuata. Hádia eie muene ua kà kala ku ungana ua kutumina Izalaiele, eme-phe ngà bhabhelela kó-kué; kifua mu ungana ué eme kadi. Saúlu, tatʼetu, kienhiki ua kijiia muene kiambote.

I Samuuele 26:16

Ki ki uabha, kiki ki ua bhange! Nga lokela mua Jihova uala ku muenhu, kuila mu athu mua tokala ku mi jibha, enu mua fulu kulanga muadiʼenu, muthu a mu undu kuala Jihova. Talesenu hanji mba sosa ia muenexi ii kuebhi, ni mudingi uê ua menha ua kexile bhu mutuelu?