I Samuuele 20:3 - O Mikanda Ikola

³ Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 20:3 ပူးပေါင်းရင်းမြစ်များ

II Samuuele 15:21

Itai anga u vutuila muenexi, uixi: Nga loka kala Jihova ki ala ku muenhu, eie ue muenexi kala ku muenhu, kùku, ngana iami! Kioso kididi ki u kala eie, kùku, ngana iami, kixi ki kala kia kufuila, kixi ki kala kia kulaiela, kiene ue kididi ki ngi kala eme ngi mubhikʼé.

II Jisobha 2:2

Elija anga uambela Ilizeu, uixi: Xala bhabha, kuma Jihova ua ngi tumu ku Betele. Maji Ilizeu u vutula kuila: Kikola Ngana! Eie kola muenhu u laie. Eme ki ngi tena ku ku xa. Kienʼiki hé aia ku Betele kiiadi kiâ.

II Jisobha 2:4

Elija-phe, uixi: Ilizeu, xala bhabha, kuma Jihova ua ngi tumu ku Jedikó. Maji muene-phe, uixi: Kikola, ngana! Eie kola muenhu! Eme ki ngi tena ku ku xa. Kienʼiki anga eza ku Jedikó.

II Jisobha 2:6

Elija-phe, uixi: Xala bheneʼabha, mukonda Jihova ua ngi tumu ku Njolodá. Maji o muene, uixi: Kikola, nga na! Eie kola o muenhu! Kuma eme ki nga-nda ku ku xa. Kienʼiki anga kiiadi kiâ aia kumoxi.

Jisálamu 116:3

Mikolo ia kalunga ia ngi bhidile, misusu ia kúfua ia ngi kuata; nga sange phaxi ni lamba!

Jelemiia 38:16

Bheneʼobho, mu kasuekele, Zedekiia ua lokela muene Jelemiia, uixi: Ki kola! Jihova a nangenene, ua tu bhange o muenhu iú, kuila eme ki nga-nda ku ku jibha, kana, mba ngi ku bhakula ue bhu maku ma iá a mu kenga ku ku jibha.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Matendelelu 28:66

O muenhu ué uila ni uene kala a u nhengeneka, izuua ioso bhu pholo ié bhene! Ukenana ngó, ni mu muanha ni mʼusuku, uia ni kusasumuka! O muenhu uene ue ku uʼindi dingi.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Jihebeleu 6:16

Kuma uoso u loka, u tumbula dijina dia ió ua mu tundu, bhuoso bhua di kuatesa makutu, o muloko uene u zubha o phata.

I Samuuele 1:26

Ana anga u zuela, uixi: Eué! Ngana iami kia kidi kiene kala eie ki uala ni muenhu ué moxi, kuma eme-muene ngi muhatu ió ua kexile bhabha ni eie mù sambela Jihova.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.

I Samuuele 20:2

Muene u mu vutuila, uixi: Ki kala kisunji; tatʼetu ka tena ku ku jibha! Mukonda muene kene kubhanga kima kia dikota mba kiofele, nʼa kambe ku ngi tangela-kiu. Hé kiki-phe, tatʼetu u ki suekela-hi? Nga fika makutu.

I Samuuele 20:4

Jonata anga u ambela Davidi, uixi: Eie uandalaʼhi? Kioso kiandala muẋma ué eme ngi ki bhanga.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.