I Samuuele 20:21 - O Mikanda Ikola

²¹ Nga kà tuma-phe kaiala, kuila: Ndeie kà sote jihunji. Se uívua ngi tangela kaiala, ngixi: Jihunji ua ji somboka, jala kuema kunu; bongaju uize na-ju; kua ku kala-phe paze, kana-ku u ku bhanga kiaibha. Nga loka muene kuila kia kidi, kala Jihova ki ala ku muenhu.

I Samuuele 20:21 ပူးပေါင်းရင်းမြစ်များ

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Jelemiia 5:2

Né-mbe a zuela kuila: Jihova a kole muenhu, ni kidi kiene a loka ngó makutu.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

I Samuuele 20:20

Eme-phe nga kʼasela-bhu jihunji jitatu, kala ngala mù kuasa mu ku di longa pondo.

I Samuuele 20:22

Ki uívua-phe ngi tangela kaiala, kuila: Jihunji-ze ja ku kala ku pholo koko muene; eie-phe ila njila ié, kuma Jihova muene ua ku muanganesa.

I Samuuele 20:36

Muene anga u ambela kaiala kê, uixi: Lenga kiá u sote jihunji joso ji nga-nda kuasa. Kioso-phe kiala kulenga kaiala, muene u asa hunji iamukuá ia mu somboka ku pholo.