I Samuuele 20:13 - O Mikanda Ikola

¹³ Jihova-phe a ki bhange kua Jónata, a mu tele-ku dingi, se ngi mona tatʼetu ua mesena ku ku bhanga phulu, eme anga ngi kamba ku kuʼijidisa-kiu ni ku ku xinjikila phala eie nʼuié ni ku tululuka; Jihova-ze a kale ni eie, kala kia kexile ni tatʼetu.

I Samuuele 20:13 ပူးပေါင်းရင်းမြစ်များ

II Samuuele 19:13

Mua kambela ue Amasa, muixi: Eie kuala u kifuba kiami, u xitu iami? Nzambi a ngi bhange-kiu, a ngi tele-ku dingi, se eie u kamba kukala u kabhitangu ka kifuxi bhu pholo iami izuua ioso bhu kididi kia Jouabe.

II Samuuele 3:35

Mundu uoso anga eza kua Davidi ku mu bhomba kudia mu muanha hanji; maji Davidi-phe u loka, uixi: Nzambi a ngi bhange-kiu, a ngi tele-ku, se ngi lola kúdia kuoso-kuoso katé ki tula o dikumbi.

II Samuuele 7:15

Maji o henda iami-phe ki ngi mu katula-iu, kala ki nga i katula kua Saúlo, eme nga mu katula-ku bhu pholo ié.

I Jisobha 1:37

O kioso Jihova kia kexile ni eie, Kùku, ngana iami, a kale ue ni Solomá, a bhangese kuila kiandu kiê ki kala kia dikota dingi, o kié eie hánji ndenge, u kùku Davidi, ngana iami.

I Jisobha 19:2

Bhenhobho Jezabele u tuma phunga kutangela Elija, uixi: Jinzambi ji ngi bhange-kiu, anga a ngi tela-ku dingi ku kidi muene, se mungu, bhu kumbi Ma didi, o muenhu ué ki ngʼu bhange kala ua umoxi mudiâ.

I Jisobha 20:10

Anga Bene-hadade u tuma ku mu ambela, uixi: Jinzambi ji ngi bhange kioso ki ja mesena, ni kia mukuá dingi kuma o fufuta ia Samádia ki ia-ndu soka phala kuizalesa o maku ma kifuẋi kioso kia mu ngi kaiela.

I Malunda 22:11

Kala kiki-phe, monʼami, Jihova akale ni eie; u laie, ukale ni kuzediua, nda u tunge o inzo ia Jihova, Nzambi ié, kala muene kia ku tange-kiu.

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Filipe 4:9

Ioso ima i mua di longo kokuami, i mua ngʼ ivu na-iu, i mua ngi muene na-iu, iene kiá o ima i mu bhanga jinga. O Nzambi mukua ku tu bhana o paze, anga u kala ni enu.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Lute 1:17

O ixi ioso i ua ká fuila eie, kididi bhuoso bhu ufuilʼeie, eme ue bhene bhu ngi fuila, o bhua ku fundʼeie bhene bhua ngi funda. Jihova a ngi bhange-kiu, a ngi tele-kiu dingi, se nga xikina kuuanunuka nʼeie, mukonda kikale ki tu uanuna o kúfua.

I Samuuele 10:7

Ki ua kà mona-phe kuma ijimbuete iii ia ku bhiti, bhanga kiá kioso ki ua mono kia tokala; kuma Nzambi u kala bhu mbandu ié.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 18:12

Saúlo anga u kala ni uoma ua Davidi, mukonda Jihova uala-nê; maji o kua Saúlo Jihova ua tundu-ku kiá.

I Samuuele 19:3

Eme-phe mungu ngi tunda ni tatʼetu, hé ngʼimana-nê mu mukáu, bhuazukama ni bhuoso bhu uala, anga tatʼetu ngi di kunda-nê maka mé eie phala ngi mu ívue; kioso-phe dingi ki ngi mona-ku ngi ku tangela-kiu.

I Samuuele 20:12

Jónata anga j u ambela Davidi, uixi: Jihova, Nzambi ia Izalaiele, a kale mbangi: Mungu mu kumbi kala mumu, mba mungu diná, se nga zubha kutola muẋma ua tatʼetu, anga ngi mona kuma kua mu kala mbote, ngi kamba kiebhi kutuma ku kuʼijidisa-kiu?

I Samuuele 20:14

O ki kala eme ngi kala hanji ni muenhu, manhi eie kua kà ngi kuatela henda ia Jihova, phala eme ngi kambe kúfua?

I Samuuele 25:22

Nzambi a ki bhange ku jinguma ja Davidi, a a tele-ku dingi, se ku dibhata dioso dia tokala Nabale katé ki kúkia ngi xá-ku né mona umoxi ngó uòfele ua diiala.

I Samuuele 3:17

Uixi: Kima kiahi kia ku tangela Jihova? Nga ku diondo, kana ku ngi suekela-kiu; Nzambi a ku bhange-kiu, a ku tele-ku dingi ku kaxitiku, se eie u ngi suekela kima, anga u kamba ku ngi tangela ioso ia ku ambela muene.