I Samuuele 2:8 - O Mikanda Ikola

⁸ U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.

I Samuuele 2:8 ပူးပေါင်းရင်းမြစ်များ

Dimatekenu 41:14

Bhenhobho Falaó u tuma kuixana Zuze, a mu katula ni lusolo mu kaleia; muene u di bhuta o muezu, u zuata izuatu iengi, hé u bhiẋila kua Falaó.

Dimatekenu 41:40

Eie muène-muene ua-ndu tambula konda ia dibhata diami; kioso ki u zuela eie, o mundu uami uoso kiene kia tumaka; eme ngi ku tunda ngó mu kuila emi-eme ngi muenexi nga xikama bhu kiandu.

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

I Jisobha 16:2

Mukonda eme nga ku zangula mu fufutila, eme nga ku bhake mu kutumina o kifuẋi kiami kia Izalaiele, eie-eie uakaiela mu njila ia Jelobouamu, ni kutesa kituxi ku kifuxi kiami kia Izalaiele, bhua mu tundu o ku ngi thathamesa ni ituxi iê,

II Jisobha 9:6

Bhenoʼobho u balumuka hé u bokona mu xilu, anga u mu lunduluila o maji bhu thalʼa mutue uê, hé u mu ambela, uixi: O Jihova Nzambi ia Izalaiele uambe kiki: Nga ku undu ku usobha ua kutumina mundu uangene ua Ngana, kutumina Izalaiele.

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jobe 2:8

Jobe anga u xikama mu uthôkua, u katula kituetu kia ditela phala kuia ni ku di aza na-kiu mu italakanha iê.

Jisálamu 102:25

Eie tunde mʼokulu, eie ua tunga o disesa diaʼxi; o maúlu ufunu ua maku mé.

Jisálamu 104:5

Ua tena kutula madisesa maʼxi katé ia kuata, ki i xikina ku i lundumuna.

Jisálamu 107:41

Maji-phe o phulungu u mu katula mu lusebu, hé u mu tudika ditala dia ujitu, u mu sokolola o muiji kala kilunga kia ibhaku.

Jisálamu 24:2

Mukonda muene ua xikika o ixi muʼaxaxi ka menha a kalunga; iu ua i kuatesa ni jingiji jezala menha.

Jisálamu 75:3

Ixi né ia botomoka ni ene athuʼê a tungu momo, eme-phe eme-muène ngi kuatesa o jingunji jê. (Selah.)

Jisálamu 75:4

Ngʼambela o malaji, ngixi: Kana ku di zangeleka. O akua-phulu ngʼa tangela, ngixi:

Jisálamu 75:7

Mukonda Nzambi muene ngó o mufundixi u tetulula; u tulula o muthu iú, u tudika o muthu ua mukuá.

Ndongixi 4:14

Mbata bhuala iú u tunda muene mu kaleia, nʼeza ku usobha mu kutumina; sumbala kiene muene, a mu vuala ngadiama mu utuminu uê.

Izaía 22:23

Ngi mu phapha kala pheleko a i phaphela bhu kididi kia kolo, muene ua kà kala mukua ni kiandu kia ujitu, phala dibhata dia tatʼâ.

Daniiele 2:48

Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?