I Samuuele 2:6 - O Mikanda Ikola

⁶ Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.

I Samuuele 2:6 ပူးပေါင်းရင်းမြစ်များ

I Jisobha 17:22

Ngana anga uívua o dízui dia Elija; anga o muenhú ua kamona u vutuka hé u bokona dingi moxi diê, mona anga u kala dingi ku muenhu.

II Jisobha 5:7

Hé ki bhita-phe kuila, o sobha ia Izalaiele kioso kia tange o mukanda, ua tandula o izuatu iê, uixi: Eme kífua ngala ngi Nzambi, ni ngi tene kufuisa mba kubhana muenhu, kí kia bhekesa iú ku tumikisa muthu kokuami, phala eme ngi mu sake ku dibhute diê? Talenu-kiu muene kiambote, nga mi diondo, mu ki mone, kuma muene ua-lu sota ndunge ia ku bhanga jimvunda nʼeme.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 116:3

Mikolo ia kalunga ia ngi bhidile, misusu ia kúfua ia ngi kuata; nga sange phaxi ni lamba!

Jisálamu 30:4

Imbenu, mu ximane Jihova, enu atuʼê ósole; sakidilenu mu kuxinganeka o kukola kuê.

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izekiiele 37:12

Kala kiki, zambula u a tangele, kuma: O Jihova Nzambi uambe kiki, uixi: Talesenu, kuma eme hádia nga kà jikula o jimbila jenu, anga ngi mi bhangesa kutunda mu ina ienu, enu mundu uami, tata, hé nga kà mi bheka dingi mu ixi ia Izalaiele.

Izekiiele 37:3

Anga u ngʼambela, uexi: Eie, monʼa diiala, tata, o ifuba iii, o kuila i kalʼé dingi ni muenhu? Eme nga mu ambela, ngixi: Jihova, Nzambi, eie kiá ua kʼijiia.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.