I Samuuele 2:35 - O Mikanda Ikola

³⁵ Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 2:35 ပူးပေါင်းရင်းမြစ်များ

II Samuuele 7:11

kala mu izuua i nga tumine afundixi kutambula konda ia mundu uami ua Izalaiele. Eie ngi ku bhana kunhoha-ku ku izudidiku ia jinguma jé joso. O Jihova ue, ua te-ku dingi o ku ku tangela, kuma, Jihova muene ua-nda ku ku tungila eie o inzo.

II Samuuele 7:27

Kuma eie, u Jihova dia Ifuẋi, u Nzambi ia Izalaiele, ua kʼivisa mu mátui ma mubhikʼé, uixi; Eme nganda ku ku tungila dibhata; kiene ki nga ki sangela mu muẋima, ngi mubhikʼé, o ku ku sambela musambu uenhú.

I Jisobha 1:45

Nganga Zadoko, ni polofeta Natane ia a mu undu ku ungana bhu Ngihône; o mu kutunda kuenhoko-phe, a bande ni kusanguluka, kiene kia bhangesa mbanza ioso ku dʼitaia, kala ki muevuʼokio.

I Jisobha 1:8

O Nganga Zadoko-phe, ni Benaia monʼa Jehoiada, ni polofeta Natane, ni Ximei, ni Lei, ni mazonda oso a tokala ni Davidi, ka zuama-ku kua Adoniia.

I Jisobha 11:38

Anga kia kà kala-phe kuma, eie se uívua ioso i ngi ku tuma, ni uendela mu njila jami, nʼu bhange kia iukila ku mesu mami, mu kubhaka o itumu iami ni ijila iami, kala kia bhanga jinga ngunza iami Davidi, eme ue nga kà kala jinga nʼeie, anga nga kà ku tungila inzo ia kuatenena kiambote, kala i nga tungila Davidi, o Izalaiele nga kà ku bhana-nê.

I Jisobha 2:35

Muenexi anga u ta Benaia, monʼa Jehoiada, bhu kididi kiê, mu tumina o kifuxi kia masoladi mê; ni nganga Zadoko a mu ta kuala muenexi bhu kididi kia Abiiatale, o nganga.

I Malunda 29:22

Ene oso kizuua kienhokio anga adia, anua, ni kutana kuonéne bhu pholo ia Jihova. Anga Solomá dia monʼ a Davidi a mu hingisa lua kaiadi ku usobha, hé a mu lumbila kua Jihova mu kukala musonguedi uâ, o Zadoke a mu lumbila ku unganga.

Jisálamu 18:50

Kutolola kua nzungule kua bhana sobha ié ua mu te ku ungana; jihenda ji vula jʼedikiza kua muthu ué ua mu undu ni maji; kua Davidi ni mbutu iê, ku thembu sé mbambe.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Makatukilu 1:21

Mu kukala-phe mukonda dia avuadixi kukala ni uoma ua Nzambi, muene ua a bhange mabhata.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Dialuilu 25:13

ki kala kia muene, ni anʼê a mu bhingana, kikutu kia unganga u nangenena; kuma ua kexile ni muanu ua kuzokela Nzambi iê, iú ua bhitisa kiamenga phala anʼa Izalaiele.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

I Samuuele 10:10

O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.

I Samuuele 10:9

Anga ki bhita kuila, muene kia lunguluka dikunda mu kutunda bhuala Samuuele, Nzambi ua mu bhana muẋima uengi. O ijimbuete ioso iii anga i bhita muene kizuua kienʼokio.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 2:36

Kia kà bhita-phe kuma, uoso uà kà subhuka mu dibhata dienu, uà keza ku mu fukamena muene, mu ku mu bhinga kakitadi ka phalata ni kadikende ka mbolo; hé ua kèla kuma: Nga ku diondo, ngi te bhu kididi kia kukalakala ku unganga, phala eme ue ngi tene kumona-ku kakibhasu ka mbolo, ngi die ka dikoka.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 3:1

Mona Samuuele anga u kala mu xibhidila Jihova bhu pholo ia Eli. Kizuelu kia Jihova ki kia vudile ku kʼivua mu izuuʼomo; kana-ku ue kisukila kia di monekena jinga luavulu.

I Samuuele 7:9

Samuuele anga u kuata kambudi hanji kala mu kuámua, u ka bhana mu sata ia muvimba ia kuoha kua Jihova; Samuuele anga udikola ubhingila Izalaiele kua Jihova; Jihova anga u itaia.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.

I Samuuele 9:12

Anʼa ilumba a kumbulula, exi: Iú koko; uala ku pholo ienu kuenhoko; endelenu-ku, kuma lelu muene ua bhixila bhu bhata bhabha, mukonda akua bhata ala ni sata lelu ku thala kuná.

I Samuuele 9:13

Mua-nda kuila mu tukuluka ngó mu nzunga, mu takana-nê kindala kioso kiluua a banda ku thala mu kúdia; kuma akua bhata ka xikina luua kúdia katé muene kia benzela o sata; kiene kiua ki adia, oso a a kuvitala. Bandenu kiá, kiki kiene o kithangana kia kutakana-nê.