I Samuuele 2:31 - O Mikanda Ikola

³¹ Talesa, kua-nda kuiza izuua, nga kà ku batula lukuaku lué, ni lukuaku lua dibhata dia tatʼenu, mu bhata dié ki mua moneka dingi muadiakimi ua kuka.

I Samuuele 2:31 ပူးပေါင်းရင်းမြစ်များ

I Jisobha 2:35

Muenexi anga u ta Benaia, monʼa Jehoiada, bhu kididi kiê, mu tumina o kifuxi kia masoladi mê; ni nganga Zadoko a mu ta kuala muenexi bhu kididi kia Abiiatale, o nganga.

Jobe 22:9

Atudi ua a kaie ni maku a hatu, o jihukunhu ua ji bukujula o maku.

Jisálamu 37:17

Kuma akua phulu ió, a kà bukuka o maku; Jihova-phe u fikidila athu ua a mono kuiuka.

Izekiiele 44:10

Maji o jilevita, a ngʼixi eme iá a di takuila dikanga, kioso kienda jinga Izalaiele mu kutondala, kioso ene kia xile ima ia a fuama o kubhanga hé a kuata o kubungana ngó, anga a ngi sanduka mbé o kukaiela o mahamba mâ, enhó-phe hinu a kʼàmbata muene o kikuma kiâ ku thandu diâ.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 3:12

Kuma bhu kizuua kienʼokio ngà kumbidila kua Eli ioso i nga mu tangela ia dibhata diê, tunde bhu ngi mu andekela katé bhu ngi mu zubhila.

I Samuuele 4:2

Akua Fidíxia anga a di ta ku minonono mu kúlua ni Izalaiele; o kia salumuka o ita, Izalaiele a a kaia kuala akua Fidíxia; kuma o ku kilômbo kiâ a jibha-ku midi jiuana ja mala.