I Samuuele 2:29 - O Mikanda Ikola

²⁹ Muala kudiotela-hi bhoxi ni kutitidila jinga o jisata jami ni ilumbu iami, ia kijila ki nga bhana kubhangela mʼonzo iami, anga ki bhinga anʼé eie u beta ku a xila, eme ndenge, hé mu di netesa enʼuenu ni kutuama kutambula jixitu jambote ku jisata joso ja mundu uami ua Izalaiele.

I Samuuele 2:29 ပူးပေါင်းရင်းမြစ်များ

II Jisobha 12:6

Anga ki bhita-phe kuila, mu ku tula ku muvu ua makuinhi aiadi ni kitatu, a utuminu ua sobha Jouaji, hanji o mazungu iá-ué kʼonzo ia Jihova, kiluua a a xita.

Jisálamu 26:8

Jihova, inzo ié ia ngi uabhela muene; kuma kiene kididi bhu ua tukuluila o kubenha kué.

Izekiiele 13:19

Mu kaxi ka athuʼami, enu mua ngi fukuila, mukonda dia makûmba ma sevada, ni ibhasu ia jimbolo, mbé o kujibha o mienhu ki ieji kufua, mbé mu bhake ni muenhu o mienhu ioio ki ieji kulaia dingi, kioso enu ki mu tanga o makutu ku mundu uami a mu kuívua o makutu.

Izekiiele 34:10

O Jihova Nzambi, uambe kiki: Talesa-ze, eme ngi zoka ni abidi, o jimbudi jami nga-nda ku jʼibhudisa bhu lukuaku luâ, ene uâ hé eha kiá o kuinga o jimbudi, ka-nda kutena ue dingi ku dʼinga eneʼâ; anga o jimbudi jami nga kà ji bhulula mu kanu diâ, ki ja-nda kua kà kituka dingi huta iâ.

Izekiiele 34:2

Eʼ monʼa muthu, tá muzambu ua kuzoka ni abidi a Izalaiele; zambula, u tangele abidi, uixi: O Jihova Nzambi, uambe kiki: Lamba dia abidi a Izalaiele a mu dʼingâ ngoho ene! Manhi o abidi kène mu kuinga o jimbudi?

Hozeia 4:8

A di dikila ituxi ia mundu uami, miẋima iâ iezala kaluaki-luaki, kuma a bhindamena kumona akua mundu uami kubhanga kiaiibha.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.