I Samuuele 2:28 - O Mikanda Ikola

²⁸ Kʼeme nga mu solo muene mu miiji ioso ia Izalaiele mu ku kala nganga iami ia kubanda bhu kalatódio kami, ni kubhanga fumasa ia uasu ua dizumba, ni kuzuata efodi bhu pholo iami? Kʼeme nga bhana dibhata dia tatʼenu o jisata joso ja anʼa Izalaiele ja kuoha mu túbhia?

I Samuuele 2:28 ပူးပေါင်းရင်းမြစ်များ

II Samuuele 12:7

Natane anga u ambela Davidi, uixi: Eie-muène u muthu ua bhange kiki! Kuala Jihova, Nzambi ia Izalaiele, uambe kiki, uixi: Eme-muène nga ku undu ku ungana ua Izalaiele, ememuène nga ku kudila bhu lukuaku lua Saúlo;

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 28:4

O izuatu-phe ia ka iudika, ienhiʼii: Ni kixita-thulu ni efodi, ni mbinza, ni divunga dia makembu, ni kijinga, ni phonda; a kà iudika izuatu ia kuzela ni kuiuka phala phange ié Alá ni anʼê a mala, phala a ngi kalakele ku unganga.

Makatukilu 30:7

Alá kuene kuohela jinga o uasu ua uabha o dizumba; izuua ioso mu kimene, kioso kia iukisa o jikandeia, kiene kioha o uasu ua dizumba.

Makatukilu 30:8

Ni kioso kia uika ue o jikandeia mu ngoloxi, kuila mixinda ia maku ia jimi kiá, uoha uasu ua dizumba; o mu kubhanga kiki, bhu pholo ia Jihova bhu kala jinga uasu ua dizumba ku miji ienu ioso, katé ku hádia ni hádia.

Ijila 2:10

O ia subhuka-ku ku mubhaku ua musa, i kale kiá ia Alá ni anʼê; kuma kima kikôla kinéne ku jisata ja Jihova ja kuoha ni túbhia.

Ijila 2:3

O ia subhuka-ku, kuma mubhaku ua musa, i kale kiá ia Alá ni anʼê; kuma kienhiki kima ki kôla kinéne ku jisata ja Jihova, ja kuoha ni túbhia.

Ijila 6:16

O ioso ia subhuka-ku, Alá ni anʼê ene a i dia; a i dia ia kambe felemendu, a i dila bhu kididi kikola; mu kithâdi kia balaka ia kutakanena muene mua i dila.

Ijila 7:32

Ni kinama kia taku kia mbandu ia dilu, mu ki bhana ue nganga, kuma ujitu uê ua tundu mu sata jenu ja paze.

Ijila 7:36

Kuma mu kizuua kia a undu ni maji, Jihova kiene kiambela anʼa Izalaiele kuila ende ni ku a bhana; kikala kijila kiâ ku miji ioso katé ku hádia ni hádia.

Dialuilu 16:5

anga u zuelela Kola ni kionge kiê kioso, uixi: O mungu, mu kimenemene, o Jihova muene ua-nda kuijidisa uoso o uê ua mu tokala, ni ió uoso uazele, uoso Muene ua-nda ku mu bhiẋidisa kokuʼê.

Dialuilu 18:19

Maujitu oso a kôla, eza na-u ana a Izalaiele mu ku a bhakuila Jihova, nga ku bhana na-u eie kumoxi ni anʼé a mala ni anʼé a ahatu u uala-nâ, ia mi tokala katé ku hádia ni hádia; kiki kikutu kia môngua ki nangenena katé ku hádia ni hádia bhu pholo ia Jihova, phala eie ni muiji ué kumoxi.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.