I Samuuele 2:27 - O Mikanda Ikola

²⁷ Anga kuiza muthu mukua Nzambi kua Eli, uixi: Eme Jihova uambe kiki: Kifua, ni kidi muene, ki nga di tukuluile ku dibhata dia tatʼenu, kia kexile hanji mu Ijitu mu ubhika ku mbanza ia Falaó?

I Samuuele 2:27 ပူးပေါင်းရင်းမြစ်များ

I Jisobha 13:1

Kienhokio anga mu Juda mu tunda muthu ua Nzambi, uiza mu Betele ni kizuelu kia Jihova; u sanga Jelobouamu uemana bhu mbanduʼa kalatódio, mu kuoha uasu ua dizumba.

I Jisobha 2:27

Kala kiki, Solomá ua kaiesa Abiiatele mu kala ku unganga ua Jihova, phala o kizuelu kia Jihova ki bhite, kia tangele ku thandu dia dibhata dia Eli, bhu Silo.

Makatukilu 12:1

Jihova anga u ambela Mozé, ni Alá, mʼoxi ia Ijitu, uixi:

Makatukilu 12:43

Jihova anga u ambela dingi Mozé ni Alá, uixi: Kijila kia Phasu kienhiki: Mukua muiji uengi ka tena kudia-ku.

Makatukilu 4:27

Jihova anga u ambela ue Alá, uixi: Ndé mu kikangalakata, ua kà takane ni Mozé; muene anga uia, u takana-nê bhu mulundu ua Nzambi, u mu bhana jibeju.

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.

Afundixi 13:6

Muhatu anga uiza u tangela muadi uê, uixi: Kua ngi sange muthu ua Nzambi, o pholo iê iila kala pholo ia anju ia Nzambi; ku mu tala uoma u kuata; ki nga mu ibhula kuoso kua tundu, dijina diê ue ka ngi tangela-diu.

Afundixi 6:8

Jihova muene u tuma polofeta kua anʼa Izalaiele, u a ambela, uixi: Eme Jihova, ngi Nzambi ia Izalaiele, ngambe kiki: Eme muene nga mi katula mu Ijito, nga mi katula mu dibhata dia ubhika,

I Samuuele 3:12

Kuma bhu kizuua kienʼokio ngà kumbidila kua Eli ioso i nga mu tangela ia dibhata diê, tunde bhu ngi mu andekela katé bhu ngi mu zubhila.

I Samuuele 9:4

Anga u bhita mu milundu mu ixi ia Ifalaime, u bhita mʼoxi ia Saliza, maji ka ji mono; anga a bhita dingi mʼoxi ia Salime, maji ue ki ja moneka-mu; anga u bhita dingi mʼoxi ia Bejamí, maji a ji tokoka.

I Samuuele 9:6

Mukua-mbèle anga u mu ambela, uixi: Talesa-ze bhu bhata bhabha bhuala mukua Nzambi, muthu a mu kala ni ujitu uavulu; muene kioso kia tanga ki ki kambe kubhita; tuie-bhu hanji, imoxi muene u tu ambela ioso njila ietu ia tokala i tu kuata.