I Samuuele 2:2 - O Mikanda Ikola

² Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.

I Samuuele 2:2 ပူးပေါင်းရင်းမြစ်များ

II Samuuele 22:3

Nzambi muene ditadi diami, kua muene kuene ku ngi dielela; muene ngubu iami, muene nguzu ia kubhuluka kuami, ditala diami dia di leka kinéne, kididi kiami kiakondama;

II Samuuele 22:32

Nzambi iengi uebhi, oko Jihova muene ngó kuabhu? Ditadi diengi diebhi, u mu fika ni Nzambi ietu?

II Samuuele 7:22

Kala kiki, eie ukôla, Ngana iami, Jihova! ku moneka mukuenu u soka-nê, ki kuene dingi Nzambi iengi, kala ki tua mu kʼivua jinga mu mátui metu.

I Jisobha 8:23

Uixi: Eie u Ngana, Nzambi ia Izalaiele, kana-ku Nzambi kala eie, né bhulu ku maúlu mba mu ngongo bhoxi, eie u bhakela abhikʼé o kikutu ni mbote, oso enda ni muẋima ua kidi bhu pholo ié.

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 18:31

Kuma Nzambi iengi iebhi, oko Jihova muene ngó kuabhu? O ditadi diengi diebhi, u mu fika ni Nzambi ietu?

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Jisálamu 71:3

U ngi kale u ndánji iami ia kutungila, ia uabha o ku lengela jinga phala ngi bhuluke; mbata eie ua bhana kiá o kitumu kia ku ngi bhulula, kuma eie u ditadi diami dia kipena, u kimbaka kiami.

Jisálamu 73:25

Ku diulu nanhi dingi ua ngi kala-ku, oko eie ngó? o mu ngongo ue kana-mu dingi nga mu indi, u ku tunda eie Ngana!

Jisálamu 86:8

Mu jinzambi kana-mu, Ngana, ua soko ni eie; kana-ku ue ikalakalu kala o ikalakalu ié.

Jisálamu 89:6

Kuma, nanhi muene, mu dinga ni dinga, u mu fika ni Jihova? o ku anʼa mazonda, nanhi u soka ni Ngana?

Jisálamu 89:8

U Jihova, Nzambi ia ilômbo, nanhi ukôla kala eie, Ngana, ni ufiiele ué ua ku fikidila mu jimbandu joso?

Jisálamu 99:3

A ximane dijina diê, dia jingi, di kuata uoma; kuma Muene u kôla.

Jisálamu 99:5

Jingisenu Jihova Nzambi ietu, mu diundilienu bhu kibaka kia inama iê; mukonda muene ukôla.

Jisálamu 99:9

Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 44:8

Ki mu bhuuame, ki mu kale ni uoma; manhi tundé ku dimatekenu ki nga mʼivisa-kiu kiá, ki nga mi tangela-kiu? mbata enu muala mu jimbangi jami.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Loma 4:8

Muthu ua zediua ió Ngana se ka mu bhange konda ia ituxi iê.

Matendelelu 3:24

Muadi Jihova, tata! Eie u Ngana uakalelà-ku, selevende ié uandeka kiá o ku mu londekeza kijingo kié, ni kioso kiene o lukuaku lué lua suina; kuma Nzambi kuẋi mu diulu ni mu ngongo, u kala ni uzonda kala o uzonda ué ni kubhanga o ima ia makota kala o ikalakalu ié ia nguzu i uene kubhanga?

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Matendelelu 4:35

Eʼmuene ngó a ku londekeza-kiu, phala uijiie kuma o Jihova muene Nzambi, ka moneka mukuâ iadi uedi kala muene.

Matendelelu 4:39

Ijiia-na-kiu-phe lelu, ni kubanza mu muxima ué, kuma Jihova muene ngó o Nzambi mu diulu, ni mu ngongo bhoxʼabha; ki kuene mukuá.

I Phetele 1:16

Mukonda kiene kia soneka mu Mikanda Ikôla, uixi; Ki kale mu zela, kuma Eme nga zela.