I Samuuele 2:18 - O Mikanda Ikola

¹⁸ Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 2:18 ပူးပေါင်းရင်းမြစ်များ

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

I Malunda 15:27

Davidi anga uia uazuata kizuatu kia linhu ia fina, kiene kimoxi ue ni akua Levi oso ambatele o álaka, ni akua kuimba; o Kenaniia muene o mutumini ua ió oso ambatele o álaka ni jingimba. Davidi ue uazuatele dingi ni kizuatu kia linhu a kixana efodi

Makatukilu 28:4

O izuatu-phe ia ka iudika, ienhiʼii: Ni kixita-thulu ni efodi, ni mbinza, ni divunga dia makembu, ni kijinga, ni phonda; a kà iudika izuatu ia kuzela ni kuiuka phala phange ié Alá ni anʼê a mala, phala a ngi kalakele ku unganga.

Ijila 8:7

Anga u mu zuika divunga, u mu kuta ni phonda, u mu zuika o mbinza, u ta-ku ni efodi, u mu kuta dingi ni phonda ia makembu anga u mu iudika kiambote.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 2:11

Kiabhiti imʼiii Elikana anga uia ku Lama ku bhata diê. O mona u xala mu xibhidila Jihova bhu pholo ia Eli, o Nganga.

I Samuuele 2:28

Kʼeme nga mu solo muene mu miiji ioso ia Izalaiele mu ku kala nganga iami ia kubanda bhu kalatódio kami, ni kubhanga fumasa ia uasu ua dizumba, ni kuzuata efodi bhu pholo iami? Kʼeme nga bhana dibhata dia tatʼenu o jisata joso ja anʼa Izalaiele ja kuoha mu túbhia?

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.

I Samuuele 3:1

Mona Samuuele anga u kala mu xibhidila Jihova bhu pholo ia Eli. Kizuelu kia Jihova ki kia vudile ku kʼivua mu izuuʼomo; kana-ku ue kisukila kia di monekena jinga luavulu.