I Samuuele 2:12 - O Mikanda Ikola

¹² Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.

I Samuuele 2:12 ပူးပေါင်းရင်းမြစ်များ

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

I Jisobha 21:13

Bhenhobho kuiza malʼaiadi anʼa Kadiaphemba, hé emana bhu pholo iê; anga mala enhá ana Kadiaphemba, a tatela Nabote ni umbangi ua makutu, bhu pholo ia kifuẋi, exi: “Nabote ua ẋonguena Nzambi ni sobha”. Anga a mu ambata ku kanga dia sanzala, hé a mu búba ni matadi anga u fua.

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 22:16

Kia kexi, o hukunhu ni phulungu u a zokela o mvunda; ua bongele-phe ujitu; abha ki kuene o ku ngijiiʼoko? Eme ngi Jihova.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

II Kolindo 6:15

Kristu u di tambulula kiebhi ni Kadiaphemba? Mba o muxikani u kala ni kima kiahi kumoxi ni ió ua kambe o kuxikana?

Matendelelu 13:13

kuila o muenhomo muala iiala anʼa Kadiaphemba, a mi tokala enu-enu, o enhá hé a funhisa akuâ, exi: Tuienu, tu bheze jinzambi jengi, o jene ki mua jʼijidile;

Matendelelu 13:14

kuabhu phe, enda kiá ni kuibhula kiambote, uendesa muene; anga u tongesa muene kiambote; o ki u mona kuila kidi, sai-ku athu afúnha kima kia kisunji kala kiki, muʼaxaxi kenu,

Afundixi 19:22

Kioso-phe kiala mu di tambulula kiki, miẋima iâ ia sanguluka, bhu kala iiala iasekala ku akua bhata, a bhongoloka bhu kanga, a kala mu ṗhuṗha ni nguzu ioso ku dibhitu; muadiakime mukua ʼnzu anga a mu ambela, exi: Tubhula diiala dia tula mʼonzo ié, mbe tu mu ijiie.

Afundixi 2:10

Ni muiji uoso uenhó a a bhongolola kuʼaia jitata jâ; anga kuiza muiji uengi úa kulu bhu kididi kiâ, a kambe kuijiia Jihova, a kambe kuijiia ue ikalakalu iê ia bhange mu bhângela anʼa Izalaiele.

I Samuuele 10:27

Bhu kala-phe ue ni anʼa Kadiaphemba, exi: Iú ue muthu uahi? Manhi utena ku bhulula? Anga a mu tènda, a fula ku mu bhekela maujitu. Muene-phe ua di xibhʼê kala ka kʼivu.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.

I Samuuele 3:7

Samuuele-phe kejidile luua Jihova, kuma katé kienhókio kiluua kizuelu kia Jihova ki mu tukulukila.