I Samuuele 2:10 - O Mikanda Ikola

¹⁰ Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.

I Samuuele 2:10 ပူးပေါင်းရင်းမြစ်များ

II Samuuele 22:14

Jihova anga u numina ku diulu, ua tundu ene oso u bhana mutemdu, ua bhangesa kuívua o dízui diê.

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

Jobe 40:9

Inga uala ni lukuaku kala Nzambi, mba u tena ue o ku numina ni dízui kala o diê-muène?

Jisálamu 132:17

O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 2:9

U a tolola ni mbangala ia felu; u a bhanga imenga-imenga kala ímbia ia mavu.

Jisálamu 20:6

Kiki nga kʼijiia kiá kuma, Jihova u kudila muenexi uê ua mu undu ni maji; u mu ivua muene tunde ku diulu diê dikola, u mu banda ni uzonda ua lukuaku luê lua undanda.

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Jisálamu 21:1

Muenexi ua sanguluka mu nguzu ié, u Jihova; kutana kuahi, mu ubhulukilu ué!

Jisálamu 28:8

Jihova muene o nguzu ia mundu uê; muene ue u bhana o muenhu kua muthu uê ua mu undu ni maji.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Jisálamu 89:17

Kuma eie-muène u nguzu iâ, u thathe iâ; lumbinga luâ lua bhetuka mukonda dia kiadi kié.

Jisálamu 89:24

Ni kitongola ni jihenda jami ja ku di tuma, jene ji mu endesa; ngi mu zangeleka muene ditala dia ujitu, o nguzu iê idibandekeza.

Jisálamu 89:25

Mu kukuata mavu, kuku mbambe kalunga; o kuamukuáʼuku mbambe o honga ia Ufalate.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 32:1

Talesenu, kua-nda kukala sobha ua kà hinga unganga ua kuiuka, o ilamba iê ia kà tumina mu kidi ni kutetuluka.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izekiiele 29:21

Mu kizuuʼokio nga kà bhangesa kuila o kutena kua muiji ua Izalaiele kua kà sabhuka dingi, hé nga kà ku bhana o kujikula dikanu, anga ua kà zuela muene kioso ki ua tena muʼaxaxe kâ; ene hé a kà kʼijiia kuila emeʼeme ngi Jihova.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 4:27

Kuma ni kidi muene, mu mbongeʼ umu o Selevende ié ukôla, Jezú, ua mʼ undu ni maji phala kukala Kristu, ni Helode ni Pônsio Pilatu, ni akua matumbu, ni mundu ua Izalaiele, a mu balukila.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.

I Samuuele 12:13

Kiki-phe talenu sobha ienu mua mu solo iú, muene mua mu bhingi; o Jihova ue muene ua tumbika o sobha i kala mu ku mi tumina.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 12:18

Bhenhobho Samuuele anga u dikola kua Jihova; Jihova anga u tumikisa inuminu ni mvula kizuua kienʼokio. Mundu uoso anga a kala kiavulu ni uoma ua Jihova, ni uoma ua Samuuele.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 7:10

Anga ki bhita kuila, kiosuʼiki Samuuele kiala kubhana o sata ia kuoha, akua Fidíxia a tula, eza mu kúlua ni Izalaiele; Jihova-phe u numina kizuua kienokio ni kinuminu kia dízui diê dia dikota ku thandu dia akua Fidíxia, hé ua dimbulula ni uoma uavulu a lenga malusolo; anga a toloka bhu pholo ia akua Izalaiele.