I Samuuele 2:1 - O Mikanda Ikola

¹ Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.

I Samuuele 2:1 ပူးပေါင်းရင်းမြစ်များ

II Malunda 20:27

Kieneʼokio mala oso a Juda ni Jeluzaleme, a vutuka ni kusanguluka, ala mu kuiza mu Jeluzaleme; o Jozafate ua a tuamenena ku pholo; kuma Jihova ua a bhana kusanguluka ku mbandu ia jinguma jâ.

Nehemiia 11:17

Ni Mathaniia, monʼa Mika, monʼa Zabidi, monʼa Asafe, o mutumini, ua kexi mu tuamenena o diximanu mu kithangana kia misambu; ni Bakebukiia, muene kaiadi mu jiphange jê; ku dima diâ kua kaiela Abida, monʼa Samuua, monʼa Ngalale, monʼa Jedutunu.

Jobe 16:15

Ku kikonda kiami nga tungila-ku kidinhaji, mútue uami nga u fufujula mu mavu.

Jisálamu 118:14

Jihova muene nguzu iami, muene mukumbi uami; mukonda muene ua ngi bhulula.

Jisálamu 13:5

Eme-phe nga dielela mu kulenduka kué; muẋima uami u sanguluka mu kuila eie ua ngi bhulula!

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 20:5

Etu tu kola kikóue mu kumona ubhulukilu uê; mu dijina dia Nzambi ietu, jibandela ji bhekela; Jihova a ku bhese iene ioso i u mu bhinga.

Jisálamu 21:2

Eie ua mu bhana kia solo o muẋima uê; kua mu imina kia bhingi ni mizumbu iê. (Selah.)

Jisálamu 35:9

Eme-phe muẋima uami u sangulukila mua Jihova; ngi tana, mukonda dia muene ku ngi bhulula.

Jisálamu 51:15

Ngi jikule, Ngana, o mizumbu; dikanu diami di kale mu ku tumbula jinga o fuma ié.

Jisálamu 71:8

Dikanu diami dʼizale ni diximanu dié, ngi tumbula jinga o ujitu ué kumbi dioso dia kambamba.

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 89:17

Kuma eie-muène u nguzu iâ, u thathe iâ; lumbinga luâ lua bhetuka mukonda dia kiadi kié.

Jisálamu 89:18

Kuma ngubu ietu ia tu xitila, u Jihova, eie ua i kuata; ni sobha ietu ua tu kala ku pholo, isèngele ia ngene ia Ngana Ukôla ia Izalaiele.

Jisálamu 89:24

Ni kitongola ni jihenda jami ja ku di tuma, jene ji mu endesa; ngi mu zangeleka muene ditala dia ujitu, o nguzu iê idibandekeza.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Makatukilu 15:1

Kizuuʼokio Mozé ni anʼa Izalaiele emba muimbu iú, mu kuximana Jihova, exi: Ngʼimbila Jihova, kuma Muene ua di jingisa kinéne; ni kabalu ni iú ua sambela-ku ua a texe mu menha.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Habakuke 3:1

Musambu ua polofeta Habakuke, uila kala ua-lu kuimba, uixi:

Habakuke 3:18

né kienhókio, eme hanji nga kà sangulukila mua Jihova; nga kà tumbujuka ni ngalasa mua Nzambi ia ubhulukilu uami.

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Matendelelu 33:17

Muene akale ni uzonda kala ua ngalote ia ngombe iê ia phande-kumbi. O jimbinga jê jile kala kaluimba. Jene ja-nda ku kuama na-ju bhuamoxi o ifuẋi katé ku jimbambe jaʼxi. Enhá ene o kuinhi dia midi ja Ifalaíme, ene o jimidi ja Manasa.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

I Samuuele 1:6

Mukajinʼê anga uia ni ku mu ondolola kiavulu phala ku mu ẋinuna nʼa kale ni dilamba, mukonda Jihova ua mu jika o divumu iu ua lémbua kuvuala.

I Samuuele 1:7

O diiala kia kala mu kubhanga kiki mivu ioso, o muhatu u kala ue mu tatesa mukuâ ki aia kʼonzo ia Jihova: mukonda dia kiki muene u kala mu dila, u fula kúdia.