I Samuuele 19:8 - O Mikanda Ikola

⁸ Anga ku kala dingi ita: Davidi anga u tunda, u lua ni akua Fidíxia, u a jibha ni kihaẋi kia dikota; ene anga a mu lenga.

I Samuuele 19:8 ပူးပေါင်းရင်းမြစ်များ

I Jisobha 20:21

Sobha ia Izalaiele-phe anga u tunda, hé u jibha o jikabalu, o makalu u a bula-bula; akua Sídia anga u a jibha ni kijibha kia dikota.

Jisálamu 27:3

Né-mbe kifuxi kia ngi bhake mu kaẋi, muẋima uami ki u kala ni uôma; né kua ngi vubuka ita mu ku ngi lua, hanji, ngi dielela kua muene.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 19:7

Jonata anga u ixana Davidi, u mu tangela ima ioso iii. Jonata anga u bheka Davidi kua Saúlo, u kala bhu pholo iê kala kia kexile mʼokulu.

I Samuuele 19:9

O nzumbi iaiibha-phe anga i tunda kua Jihova hé i kala ku thandu dia Saúlo. Kioso kia xikama mʼonzo iê, ni sosa iê ia kuata bhu lukuaku; Davidi anga u kala mu xika mbànza ni lukuaku luê,

I Samuuele 23:5

Davidi-phe ni makuenze-mê aia ku Keila, a lua ni akua Fidíxia, anga a a tambula ibhaku iâ, a a jibha ni kihaẋi kia dikota. Kienhiki Davidi u bhulula akua Keila.